2022-жылдын 8-июнь күнү ОшМУнун Педагогика, психология жана дене тарбия факультетинин педагогика кафедрасы «Улуттук мурас – тарбиянын казынасы» аттуу фестиваль-конкурсун уюштурду. Иш-чара педагогика кафедрасынын башчысы, доцент Гулмира Жутанованун демилгеси менен өттү. Таймашка Чыгыш таануу жана тарых факультетинин “Санжыра”, Кыргыз филологиясы жана журналистика факультетинин “Кыргыз” командалары катышты. Командалар конкурста саламдашуу, улуттук каада-салттарды учурдун талабына ылайык сахналаштыруу, этнопедагогика боюнча илимпоздордун изилдөөлөрү камтылган тест сынагы, макал-лакап айтышуу, кол өнөрчүлүк боюнча мастер класс, улуттук ыр-бийлер, улуттук баалуулуктар боюнча көргөзмө тапшырмаларын аткарышты. Учурдагы жана аралыктан текшерүүгө ылайык практикалык көрдүмдөрдү аткарып, фестиваль-конкурска катышкан жана жардам көрсөткөн студенттер II модулдан бошотулушту. Мелдештин жеңүүчүлөрү уюштуруучулардын дипломдору жана кафедра башчысы Жутанова Гульмира Атанбековна тарабынан акчалай сыйлык менен сыйланды. «Улуттук мурас – тарбиянын казынасы» аттуу фестиваль-конкурсту өткөрүүдөгү негизги максат окутуу процессинде студенттердин креативдүү компотенцияларын, практикалык көндүмдөрүн, чыгармачылыгын калыптандыруу болуп саналат. Бул иш-чара учурдагы жана аралыктан текшерүүнүн бир формасы катары көрсөтүлдү.

2022-жылдын 7- июнь күнү ОшМУнун Педагогика, психология жана дене тарбия факультетинин педагогика кафедрасы “ЖОЖ менен мектеп келечекти бирге курат” аттуу педагогикалык практика боюнча жыйынтыктоочу конференция өткөрдү. Конференцияга педагогикалык практика жетекчиси Адылбек Батыралиев, факультеттин деканынын милдетин аткаруучу Чынара Гапарова, ОшМУнун өндүрүштүк практика департаментинин директору Талантбек Матикеев, №3 Эксперименталдык гимназиясынын директору, КРнын эмгек сиңирген мугалими Гапыр Мадаминов, Ош шаарындагыгы мектептердин директорлору, факультеттердин педагогикалык практикалар боюнча тиешелүү жетекчилери, студенттер катышты. 2021-жылдын сентябрь айында педагогика кафедрасынын башчысы Гульмира Жутанованын демилгеси менен педагогика кафедрасы Ош шаарындагы 14 мектеп жана Баткен облусунун Лейлек районундагы №3 эксперименталдык гимназия менен келишим түзгөн. Келишимде мектеп окуучулары жана жаштарды турмушка даярдоо, кесипке багыт берүү максатында окуу-методикалык, тарбиялык-изилдөөчүлүк жана квалификацияны жогорулатуу боюнча ишмердүүлүктү жүзөгө ашыруу, мектеп менен ЖОЖдун байланышын чыңдоо, тарбиялык иштерди биргелешип жүргүзүү маселелери каралган. Бул багытта 1 жыл аралыгында бир топ илимий семинарлар, тегерек столдор уюштурулуп, мектеп, ата-энелер менен Энелер мектебин уюштуруу ишке ашты, “Педагогиканын жалпы негиздери” деген аталыштагы квалификацияны өркүндөтүү курсунан биринчи жолу С.Шарипов мектеп-гимназиясынын 3 мугалими квалификациясын өркүндөтүшкөн. Жыйында катышуучулар студенттердин адаптациялык практика, профилдик-базалык практикалары боюнча жасаган иш-аракеттеринин жыйынтыгын угушту. Жогорку окуу жайлары менен мектептин байланышы, студенттердин практика иштерин аткарылышын жана тапшырылышын талкуулап, суроолорго жооп беришти. Активдүү катышкан студенттерге сыйлыктар тапшырылды. Жыйында КРнын эмгек сиңирген мугалими, педагогика кафедрасынын доценти Гапыр Мадаминов мектеп менен ЖОЖ дайыма чогуу иш алып баруу керектигин, ЖОЖ менен мектептин байланышын бекемдеп, өркүндөтүү багытында келишимде каралаган бардык маселелер боюнча иш-аракеттерди жүргүзүп келе жаткан Гульмира Жутанованын демилгесин жалпы республиканын ЖОЖдоруна жайылтуу керектигин белгиледи.

2022- жылдын 4-июнь күнү Педагогика, психология жана дене тарбия факультетинин педагогика кафедрасы тарабынан педагогика дисциплинасы боюнча «Акыл ордо» интеллектуалдык таймашы өткөрүлдү. Таймашка Чыгыш таануу жана тарых факультетинин “Новатор”, Кыргыз филологиясы жана журналистика факультетинин “Инновация”, Дүйнөлүк тилдер жана маданият факультетинин “Креатив” командалары катышты. “Акыл ордо” интеллектуалдык таймашынын программасына ылайык командалар алгач өзүн тааныштырып, андан соң тарбиянын теориясы, окутуунун технологиясы боюнча тесттик суроолорго жооп беришти. Үчүнчү тапшырмада адамзаттык баалуулук боюнча эссе жазышса, төртүнчү тапшырмада педагогикалык кырдаалдар боюнча инсценировкаларды аткарды. Жыйынтыгында топ башчыларына кыргыз окумуштуу, педагогдору жөнүндө маалыматтар тапшырма катары берилди. Бул таймашта бардык тесттик суроолорго туура жооп берип, тапшырмаларды мыкты деңгээлде аткарган командалар жалпы жыйынтык боюнча 30 упай алышты. Учурдагы жана аралыктан текшерүүгө ылайык 30 упай алган командалар II модулдан бошотулушту. Мелдештин жеңүүчүлөрү дипломдор менен сыйланышты.

2022-жылдын 27-май күнү педагогика кафедрасынын улук окутуучусу Байсубанова Венера Андреевна Экология жана эмгек тарбиясынын негизинде “Биз-таза шаар үчүн” деген девиз менен дүйнөлүк тилдер жана маданият факультетинин 50дөн ашуун студенттери менен биргеликте шаарыбыздын Т.Сатылганов атындагы эс алуу паркында 1000 ашуун дарактарды актап, сырдоого жана тазалоо иштерине жардам беришти. Т.Сатылганов атындагы эс алуу паркынын башчысы Азамат Советбекович студенттерге парктын тарыхын, дарактардын түрүн, өзгөчөлүктөрү тууралуу маалымат берип, жаратылышка аяр мамиле жасоого чакырды жана Венера Андреевнага ыраазычылыгын билдирди.

Педагогика кафедрасынын улук окутуучусу Сапарова Бадам эжекебиз дүйнөлүк тилдер жана маданият факультетинин 3-курсунун АКК(б)3-19 тайпасынын практикант студенттери менен #22 С.Шарипов жана #7 Н.Нариманов мектеп гимназияларында жолугушту. Практикант студенттер менен жолугушуп, тарбиялык-методикалык кеңештерди берди. Ошону менен бирге, мектептин окуу иштери боюнча орун басарлары менен да кеңири пикир алышты. Баса белгилеп кетүүчү нерсе, эжеке дайыма практикант студенттери менен биргеликте болочок мугалимдерге насаатчы, тажрыйбалуу мыкты педагог катары тыгыз байланышта болот.

Илим жумалыгынын алкагында 2022-жылдын 20-апрелинде Педагогика кафедрасы тарабынан уюштурулган "Кыргызстанда билим берүү системасын модернизациялоонун айрым маселелери"аттуу илимий жумалыгы онлайн жана офлайн форматында өткөрүлдү. Конференцияга: кафедранын профессордук-окутуучулук курамы, аспиранттар, магистранттар, ар бир факультеттен студенттер катышышты. Онлайн катышуучулар да болду. Алар: аспирантура бөлүмүнүн башчысы, доцент Анарбаева Г.М., "КРнын эмгек сиңирген мугалими" п.и.к. Мадаминов Г.М. жана аспирант Кадырали к.Н. Баяндамачылар бүгүнкү күндөгү билим берүү системасындагы актуалдуу теманын негизинде, презентация, слайд, видео-слайддарды жасап, суроо-жооптор менен коштолуп активдүү өттү. Акырында I-II-III даражадагы ДИПЛОМдор, Ардак Грамоталар менен сыйланышып, ыраазычылык сөздөрүн жана каалоо-тилектерин билдиришти.

Дүйнөлүк тилдер жана маданият факультетинде Абдыманап кызы Айгүлдүн методикалык- тарбиялык иш- чарасы болуп өттү. "Тарбиянын теориясы жана окутуунун технологиясы" предметинин тарбия теориясы бөлүгүнүн натыйжасын 2-курстун АКК-1-20, АКК-4-20, АкККК-1-20 тайпаларынын студенттери учурдагы тарбияга тиешелүү актуалдуу проблемаларды "Форум-театр" сабагы аркылуу алып чыгышып, аны чечүүнүн жолдорун аудитория мн чогуу көрсөтүштү. 1-этапта көрсөтүлгөн сахналык көрүнүштү анализдешип, андагы тарбияга тиешелүү ой- пикирлерин, сунуштарын айтышты. 2- этапта аудиториядагы студенттер ошол сахналык көрүнүштөгү каармандардын ордуна чыгып кырдаалды өзгөртүүгө аракет жасашты. Жалпысынан 5 сахналык көрүнүш көрсөтүлдү. "Суицид", "Кесип тандоо", "Куру намыстын кесепети", "Миграция", "Бала тарбиялоодогу атанын ролу" деген темаларды алып чыгышты. Аягында катышкан каармандар чыгышып аткарган ролу аркылуу турмушта эмнени андап түшүнгөндүгүн кайтарым байланыш катары аудитория мн бөлүшүштү. Пед.каф.башчысы, доцент Г. Жутанова сөз сүйлөп, студенттерге ыраазычылыгын билдирди.

Педагогика, психология жана дене тарбия факультети тарабынан “Нооруз-2022” элдик майрамына карата маданий-спорттук иш чара жана “Улуттук тамак-аш” көргөзмөсү уюштурулду. Иш-чарага факультеттин баардык кафедралары катышып, өз өнөрлөрүн көргөзүштү.Кафедралардын ичинен Педагогика кафедрасы 2-орунду ээлеп, II-даражадагы диплом менен сыйланды. Педагогика кафедрасы мындан ары да ар кандай иш чараларга катыша бермекчи.

Педагогика кафедрасынын улук окутуучусу Сапарова Бадам эжеке Дүйнөлүк тилдер жана маданият факультетинин 4-курстун практиканттары менен #3 М.В. Ломоносов атындагы гимназиясынын директору менен биргеликте методикалык көрсөтмө берди. Мындан сырткары эжеке практиканттары менен тынымсыз, тыгыз иштешип турат. Болочок мугалимдерге тажрыйбалуу эмгектериңизден бөлүшүп жүрө бериңиз.

2022-жылдын 15-мартында Педагогика кафедрасы тарабынан “ Педагогиканын негиздери жана педагогикалык кесипке киришүү” дисциплинасы боюнча факультеттер аралык “Акыл ордо” БРЕЙН-РИНГ интеллектуалдык таймаш уюштурулду. Таймашта интеллектуалдык ой жүгүртүүчү суроолор, инновациялык технологиялык методдор, чыгармачылык менен иштөө жана дидактикалык материалдар камтылып, 9 факультеттин катышуусунун негизинде өткөрүлдү.Акырында командаларга I-II-III даражадагы дипломдор жана ардак грамоталар ыйгарылды. Кафедранын атынан методикалык иштери боюнча жооптуу, уюштуруучу Абдыманап кызы Айгүл эжекебизге иштерине ийгилик каалап, ыраазычылык билдиребиз.

Республикалык көп тармактуу коомдук ЖЕТИГЕН журналынын 11 жылдык мааракесине карата 8-март Аялдардын эл аралык майрамына педагогика кафедрасынын улук окутуучусу Сапарова Бадам эжекебиз “Кыргыздын мырзайымы” төш белгиси менен сыйланды. Педагогика кафедрасынын жамааты эжекеге ден-соолук, иштерине ийгилик каалайбыз.

2022-жылдын 3-март күнү Педагогика кафедрасынын улук окутуучусу Сапарова Бадам эжеке тарабынан Кыргыз филологиясы жана журналистика факультетинин 2-3-курстун студенттерине “Кыздын адеби - кымбат” аттуу семинар уюштурулду. Семинарга Ош облустук адам репродукция борборунун (ООАРБ) бөлүм башчысы, акушер-гинеколог-эндокринолог Кадырбек кызы Айканыш жана дабагер Аширбекова Мээрим аталган тема боюнча презентациянын негизинде керектүү маалыматтарды беришип, студенттер тарабынан берилген суроолорго жооп беришти. Акырында жылуу пикирлер, ыраазычылыктар айтылып, жаз майрамы менен куттукташты.

2022-жылдын 5-13-февраль күндөрү педагогика кафедрасы тарабынан “Квалификацияны өркүндөтүү” курсу уюштурулду. Курска факультеттердин педагогикалык эмес жаатындагы мугалимдери, педагогика кафедрасы келишим түзгөн мектептердин мугалимдери жана педагогика кафедрасынын окутуучулар курамы катышып, билимин өркүндөтүштү. Курстун башталгыч күндөрү педагогика кафедрасынын доценттери Батыралиев А.А “Жалпы педагогиканын негиздери”, Жутанова Г.А “Окутуу процессиндеги билимди баалоонун технологиялары” деген темада кызыктуу семинар өтүштү. Ал эми 11-12-13- февраль күндөрү КРнын эмгек сиңирген мугалими, Баткен областынын Лейлек районундагы #3 эксперименталдык гимназиясынын директору, педагогика кафедрасынын доценти Мадаминов Гапыр Маматкулович “АЭМдин негизинде окуучулардын, студенттердин өз алдынча ишмердүүлүгүн уюштуруунун жолдору” деген темада семинар өттү. Семинардын аягында жалпы мугалимдер көптөгөн маалыматтарга ээ болгондугун айтышып, ыраазычылыгын билдиришти.

Кыргыз Республикасынын илим жана билим берүү жаатындагы көп жылдык үзүрлүү эмгеги, жаш муундарды тарбиялоого кошкон олуттуу салымы, ошондой эле жигердүү коомдук ишмердиги үчүн ОшМУнун педагогика, психология жана дене тарбия факультетинин педагогика кафедрасынын башчысы, доцент Жутанова Гульмира Атанбековна Кыргыз Республикасынын Жогорку Кеңешинин АРДАК ГРАМОТАСЫ менен сыйланды.

2022-жылдын 20-январында педагогика кафедрасынын окутуучусу Абдыманап кызы Айгүл ОшМУнун теология факультетинин Т(б)-1-21 тайпасынын студенттерине "Адамдын адамдыгы – инсандык сапаттарында" деген темада тарбиялык сабак өттү. Студенттердин көңүлүн сабакка буруу үчүн окутуучу "Махив жана нахив" деген аңгемени айтып берип, "Мээ чабуулу" методун колдонду. "1 000 000" деген окуяны талкуулашып, "Муз жаргыч" аркылуу студенттер менен биргеликте сабактын темасын аныктап алышты. Студенттер топтордо инсандык сапаттар тууралуу хадистерден, аяттардан, турмуш-тиричиликтен мисалдарды келтирүү менен презентация жасашты. Видеоролик көрсөтүлүп, педагогикалык анализ жүргүзүштү. "Менин инсандык сапаттарым" деген темада психологиялык көнүгүүнү жуптарда аткарышты. Ар бир топ бир сапат боюнча ураандарды иштеп чыгышты. Студенттер баары айлана формасында турушуп, оң жагындагы адамга карап, анын жакшы сапатын белгилөө менен бул сапат өзүндө да болуусун каалап, жылмаю менен эстафетаны улантышып, "Коштошуу" көнүгүүсүн аткарышты. Рефлексия – бүгүнкү сабактын жүрүшү боюнча студенттер өз ой-пикирлерин билдиришип, алма дарагына стикерлерди жармаштырышып, сабакка баа беришти. Мугалимдин жыйынтык сөзү айтылып, сабактагы катышуу, жетишүү бааланып, сабак жыйынтыкталды.

2022-жылдын 18-январында педагогика кафедрасынын доценти Б.Тажикова ОшМУнун орус филологиясы факультетинин 3-курстарынын студенттерине жыйынтыктоочу семинардык сабак өттү. Ал сабакта педагогика дисциплинасы, педагогикалык практика боюнча эсселер окулуп, презентациялар, сюжеттик-ролдук көрүнүштөр коюлуп, студенттер ар тараптуу чеберчилигин көрсөтө алышты. Педагогика кафедрасынын окутуучулары, тайпалардын кураторлору, факультеттин деканатынын кызматкерлери катышышып, жыйынтыгында тайпаларга I, II, III даражадагы ДИПЛОМдор, активдүү студенттерге АРДАК ГРАМОТАлар ыйгарылды.

2022-жылдын 14-январында педагогика кафедрасынын ага окутуучусу С.Бегматов ОшМУнун дүйнөлүк тилдер жана маданият факультетинин АРК-4-20 тайпасынын студенттери менен "Уроки нравственности" аталышында тарбиялык иш-чара өткөрдү. Иш-чарада студенттер арасында тест жүргүзүлүп, улуу инсандардын цитаталары, адеп-ахлак тууралуу талкууланды.

2022-жылдын 13-январында педагогика кафедрасынын доценти М.Колдошев ОшМУнун табият таануу жана география факультетинин ХЭК(б)-1-20 тайпасынын студенттери менен биргеликте "Экологиялык тарбия" аттуу тарбиялык саат өткөрдү. Тарбиялык саатта докладдар окулуп, видеороликтер көрсөтүлдү.

24-декабрь күнү улук окутуучу Б.Сапарова ОшМУнун кыргыз филологиясы жана журналистика факультетинин 2-курсунун студенттери менен биргеликте Исхак Раззаковду эскерүү иш-чарасын өткөрдү.

2021-жылдын 23-декабрында саат 08:00 педагогика кафедрасынын доценти А.А.Исаев ОшМУнун чыгыш таануу жана тарых факультетинин И(б)-2-20 тайпасынын студенттерине "Чыңгыз Хан" аттуу кино-лекция уюштурду. Иш-чарада "Чыңгыз Хан" киносунун үзүндүлөрүнүн алкагында тарбиялык маанисин талкуулашты. Лекцияга педагогика кафедрасынын башчысы жана окутуучулары катышышты.

2021-жылдын 22-декабрында педагогика кафедрасынын башчысы, доцент Г.А.Жутанова Кыргыз Республикасынын Президентинин “Инсандын руханий адеп-ахлактык өнүгүүсү жана дене тарбиясы” жөнүндөгү жарлыгына ылайык “Педталанттуу студент – кечээ, бүгүн, эртең (автордук долбоор)” аттуу тарбиялык-методикалык конференциясын уюштурду. Эске сала кетсек, бул автордук долбоор 2000-жылдан баштап 8 жыл катар чоң театрдык сахналарда үзгүлтүксүз өткөрүлүп келген. Конференцияга конок катары кечээги жана бүгүнкү педталанттуу студенттер чакырылды: 1. КРнын Билим берүү жана илим министрлигинин Мектепке чейинки билим берүү жана мектепке даярдоо башкармалыгынын башчысы Касымова Нурзида Абабакировна; 2. Х.и.к., PhD, ОшМУнун Жарчысы журналынын жооптуу редактору Абдуллаева Жыпаргуль Душабаевна; 3. №18 Алишер Навои атындагы мектеп-лицейинин директору Акматов Жоомарт Алдыраманович; 4. ОшМУнун математика жана информациялык технологиялар факультетинин магистранты Исраилбекова Зинат Исраилбековна; 5. ОшМУнун дүйнөлүк тилдер жана маданият факультетинин студенти Базарбекова Айсулуу Раимбековна. Бул коноктор педагогика дисциплинасын окуп, өздөштүрүү аркылуу көптөгөн кыйынчылык, кырдаалдарда пайдасы тийип, азыркы мезгилде кандай ийгиликтерге жетишкендиктерин презентация аркылуу чагылдырып, эжекеге ыраазычылыктарын билдиришти. Конференция онлайн жана офлайн форматында болгондугуна байланыштуу, ОшМУнун жана кафедранын профессордук-окутуучулук курамы, аккредитация жана билим берүүнүн сапаты департаментинин ага инспектору С.Атакулов, факультеттердин студент-магистранттары катышып, суроо-жооп, сунуштар менен жыйынтыкталды.

2021-жылдын 16-декабрында ППжДТ факультетинин педагогика кафедрасынын окутуучусу М.Сүйүнбаева ДТжМ факультетинин АРКК-1-20 тайпасынын студенттери менен биргеликте 121-каанасында "Региональные экологические проблемы, влияние человека на природу" деген темада тарбиялык иш-чара уюштурду. Иш-чарада студенттер "Смог", "Проблемы твердых бытовых отходов", "Проблемы канализации", "Ак-Буура", "Нарушение закона о пастбищах", "Озеленение города Ош", "Рациональное использование воды" атуу темалардын алкагында презентациялар аркылуу актуалдуу маселелерди талкуулашты жана алардын алдын алуу жолдорун сунушташты.

2021-жылдын 16-декабрында педагогика кафедрасынын башчысы, доцент Г.Жутанова тарабынан 2020-жылдын 9-июнундагы кафедранын отурумунун №9 протоколунда бекитилген автордук “Өз алдынча иштердин өзгөчө жүрүшү илимий-методикалык долбоорунун” алкагында “2021-жыл – Инсандын руханий адеп-ахлактык өнүгүүсү жана дене тарбиясы” жылына карата “Окутуу процессинде студенттердин өз алдынчалуулук ишмердүүлүгүн уюштуруу аркылуу креативдүүлүк компетенттүүлүгүн калыптандыруу” аттуу илимий-методикалык конференция онлайн жана офлайн түрүндө уюштурулду. Конференцияга Лейлек районун №3 эскперменталдык гимназиясынын директору, педагогика кафедрасынын доценти Г.Мадаминов, педагогика кафедрасынын илимий иштерине жооптуусу Ж.Айдарова, методикалык иштерине жооптуусу Абдыманап кызы А., тарбия жана социалдык иштерине жооптуусу М.Сүйүнбаева, ОшМУнун ДТжМ факультетинин студенттери, педагогика кафедрасынын аспиранттары, МИТ факультетинин магистранттары ж.б. окутуучулар катышышты. Жумушчу программа, силлабус боюнча студенттердин өз алдынча иштерин аткарылышын жана тапшырылышын талкуулап, кеп-кеңештерин беришип, баалашты. Активдүү катышкан студенттерге Ардак грамоталар тапшырылды.

2021-жылдын 10-декабрында ОшМУнун тарых факультетинде педагогика кафедрасынын улук окутуучусу З.Бубаева И(б)-1-20 тайпасынын студенттери менен биргеликте "Жаштарды тарбиялоодо кыргыз эл чыгармаларын пайдалануу" аттуу тарбиялык иш-чара уюштурду. Иш-чара концерттик программа: ырлар, улуттук бийлер, көркөм окуулар жана сахналык көрүнүштөр менен коштолду.

2021-жылдын 8-декабрында Ош шаарынын атайын көмөкчү мектеп-интернатында педагогика кафедрасынын улук окутуучусу Б.Сапарова ОшМУнун кыргыз филологиясы жана журналистика факультетинин КЛ(б)-3-20 тайпасынын студенттери менен биргеликте кайрымдуулук кечесин уюштурду.

2021-жылдын 7-10-декабрында Ош шаарындагы атайын жалпы билим берүүчү жатак мектебинде педагогика кафедрасынын улук окутуучулары: В.Байсубанова жана Ж.Айдарова ДТжМ факультетинин 3-курсунун студенттери менен биргеликте "Биз ар түрдүүбүз, бирок тең укуктуубуз" аттуу тарбиялык-спорттук иш-чара уюштурушту. Иш-чара концерттик программа, конкурстар, суроо-жооптор менен коштолду. Педагогика кафедрасынын башчысы, доцент Г.Жутанова, кафедра мүчөлөрү, мектеп администрациясы жана студенттер окуучулар менен биргеликте спорттук оюндарды жекече, жуптарда, топтордо кызыгуу менен ойношту.

2021-жылдын 3-декабрында педагогика кафедрасынын улук окутуучусу Г.Жакупова тарабынан "3-декабрь - Мүмкүнчүлүгү чектелгендердин Эл аралык күнүнө" карата Ош шаарындагы мүмкүнчүлүгү чектелген балдар үчүн атайын реабилитациялык борборунда "Поможем друг-другу" аттуу тарбиялык иш-чара уюштурулду. Иш-чараны ОшМУнун педагогика писхология жана дене тарбия факультетинин, искусство факультетинин 3-курсунун студенттери концерттик программа, кызыктуу конкурстар аркылуу өткөрүштү. Борбордун директору З.А.Акматова тарабынан социалдык жактан колдоо көрсөткөндүгү жана эбегейсиз зор салымы үчүн педагогика кафедрасына "ЫРААЗЫЧЫЛЫК БАРАКЧА" ыйгарылды.

2021-жылдын 26-ноябрында педагогика кафедрасынын окутуучусу Ж.Маматова Искусство факультетинин 3-курсунун студенттери менен биргеликте "Улуу педагог Б.Апышевдин педагогикалык ишмердүүлүгү" аттуу тарбиялык иш-чара уюштурду. Жалпысынан 21 студент катышып, Б.Апышевдин өмүр баяны, чыгармачылык иштери тууралуу доклад окулуп, концерттик программа менен коштолду.

ОшМУнун аспирантура бөлүмү тарабынан 2021-жылдын 30-ноябрында “Студент жана илимий-техникалык прогресс” аттуу VIII аймактык студенттик илимий конференциясы уюштурулду. “Педагогикалык билим берүүнү модеринизациялоо” темасындагы X секциясынан төмөнкүлөр алдыңкы орундарга ээ болушту: 1-орунга: Курманбекова Жанара (ОшМУ, Орус фил. фак., жетекчиси: п.и.к., доцент Тажикова Б.Ш.) жана Алибаева Жаркынай (ОшМУ, ППжДТ фак., жетекчиси: п.и.к., доцент Батыралиев А.); 2-орунга: Алимова Айзат (ОшМУ, ДТжМ фак., жетекчиси: улук окутуучу Байсубанова В.А.) жана Абдижалил кызы Айзат (БатМУ); 3-орунга: Байбала кызы Айзирек (ОшКУУ) жана Токторалиева Айзирек (ЖАМУ); “Заманбап окутуунун технологияларын колдонуунун айрым маселелери” темасындагы XI секциясынан төмөнкүлөр алдыңкы орундарга ээ болушту: 1-орунга: Исраилбекова Зинат Исраилбековна, магистрант (ОшМУ) жана Базарбекова Айсулуу (ОшМУ, ДТжМ фак., жетекчиси: п.и.к., доцент Жутанова Г.А.); 2-орунга: Исаев Данияр (ОшКУУ) жана Эсенбаева Клара Акылбековна, магистрант (ЖАМУ); 3-орунга: Болотбекова Мээрим (ОшМУ, ДТжМ фак., жетекчиси: окутуучу Сүйүнбаева М.) жана Турсунбаева Маликахон Юнусжоновна (БатМУ). Бул секциялар ОшМУнун педагогика, психология жана дене тарбия факультетинин педагогика кафедрасынын жетектөөсүндө болуп өттү. Модераторлор: п.и.к., доцент Г.Жутанова жана п.и.к., доцент Т.Акматова. Катчылар, улук окутуучулар: В.Байсубанова жана Ж.Айдарова. Жалпы уюштуруучуларга конференцияга катышкан университеттердин жетекчилиги тарабынан онлайн ыраазычылыктар билдирилди.

2021-жылдын 9-ноябрында №52 "Кыргыз-Түрк достугу" мектеп-лицейинде ЖОЖ менен мектеп биргеликте окуу-тарбия процессин АЭМдин негизинде жакшыртуу максатында Мадаминов Г.М. жана ОшМУнун педагогика кафедрасынын профессордук-окутуучулук курамынын катышуусунда "Класс жетекчинин ата-энелер менен иштөөдөгү ролу" деген темада семинар болуп өттү. Семинарга шаардык мектептердин организаторлору, класс жетекчилери, ата-энелер жана магистранттар катышып, өздөрүнүн суроолоруна жооп ала алышты.

2021-жылдын 20-октябрында педагогика кафедрасынын окутуучусу Сүйүнбаева Мария ОшМУнун дүйнөлүк тилдер жана маданият факультетинин АРКК-1-20 тайпасынын студенттерине "Просветительская деятельность народных импровизаторов (Т.Сатылганов, Тоголок Молдо)" деген темада ачык сабак өттү. Ачык сабакка педагогика кафедрасынын профессордук-окутуучулук курамы катышып, сабагынын анализи кафедранын кеңешмесинде каралуусун билдиришти. Эжекенин педагогикалык ишмердүүлүгүнө ийгиликтерди каалашты.

2021-жылдын сентябрь айында кафедранын п.и.к., доценти Тажикова Бактыгуль Шариповна Бишкек шаарындагы И.Арабаев атындагы Кыргыз мамлекеттик университетинин жана Кыргыз билим берүү академиясынын алдындагы диссертациялык кеңештин жыйынына оппонент катары катышып келди. Жаштардын илимий потенциалын жогорулатууда ар дайым падагогика кафедрасы менен диссертациялык кеңештин ортосундагы байланышты күчөтүүдө салымыңызды кошуп жүрөсүз, сизге кафедранын атынан терең ыраазычылык!

2021-жылдын 13-октябрында ОшМУнун педагогика, психология жана дене тарбия факультетинин педагогика кафедрасынын профессордук-окутуучулук курамы тарабынан Кыргыз Республикасынын Президентинин “Инсандын руханий адеп-ахлактык өнүгүүсү жана дене тарбиясы” жөнүндөгү жарлыгына ылайык “ЖОЖ менен мектептин окуу-тарбия процессинин сапатын акыл-эмгек маданиятынын негизинде жакшыртуунун жолдору” аттуу илимий-методикалык семинар уюштурулду. Илимий-методикалык семинар мектеп менен кафедранын ортосунда түзүлгөн келишимдин негизинде саат 10:00дөн 13:30га чейин №18 А.Навои атындагы мектеп-лицейинин актылык залында Ош шаарынын мектеп директорлорунун жана практикант студенттердин катышуусунда болуп өттү. Илимий-методикалык семинарда ОшМУнун аккредитация жана билим берүүнүн сапаты департаментинин ага инспектору С.Атакуловго, ОшМУнун педагогикалык практика бөлүмүнүн башчысы, доцент А.Батыралиевге, педагогика кафедрасынын доценти Б.Тажиковага сөз берилди. Педагогика кафедрасынын башчысы, доцент Г.Жутанова Ош шаарынын 14 мектеби менен педагогика кафедрасынын ортосунда келишим түзүлгөндүгүн билдирди. Келишим төмөндөгүдөй максатта түзүлгөндүгүн белгиледи: - Мектеп окуучуларын жана жаштарды турмушка даярдоо, кесипке багыт берүү максатында окуу-методикалык, тарбиялык, изилдөөчүлүк жана квалификацияны жогорулатуу боюнча биргелешкен ишмердүүлүктү жүзөгө ашыруу; - Педагогика кафедрасы менен мектептин илимий-методикалык, практикалык байланыштарын чыңдоо жана күчөтүү. Мектеп менен ЖОЖдун байланышын чыңдоо; - Билим берүү жана илим министрлиги тарабынан иштелип чыккан: “КРда 2021-2030-жылдарда мектеп окуучуларын жана жаштарды тарбиялоо концепциясын” жүзөгө ашыруу максатында тарбиялык иштерди биргелешип жүргүзүү. “ЖОЖ менен мектептин окуу-тарбия процессинин сапатын акыл-эмгек маданиятынын негизинде жакшыртуунун жолдору” аттуу илимий-методикалык семинарды педагогика кафедрасынын доценти, педагогика илимдеринин кандидаты Мадаминов Гапыр Маматкулович мектеп директорлоруна, болочоктогу мугалим катары практикант студенттерге иш тажрыйбасы менен бөлүштү.

2021-жылдын 12-октябрында ОшМУнун педагогика, психология жана дене тарбия факультетинин педагогика кафедрасынын профессордук-окутуучулук курамы тарабынан Кыргыз Республикасынын Президентинин “Инсандын руханий адеп-ахлактык өнүгүүсү жана дене тарбиясы” жөнүндөгү жарлыгына ылайык “Студент-магистранттардын үзгүлтүксүз билим алуусунда акыл-эмгек маданиятынын жана креативдүүлүктүн мааниси” аттуу илимий-методикалык семинар уюштурулду. Илимий-методикалык семинардын биринчи бөлүгү саат 10:00дөн 12:30га чейин ОшМУнун искусство факультетинин актылык залында, ал эми экинчи бөлүгү саат 13:30дан 16:00гө чейин ОшМУнун чоң актылык залында агай-эжекелердин жана студент-магистранттардын катышуусунда болуп өттү. Илимий-методикалык семинарда ОшМУнун илимий иштер боюнча проректору, профессор Б.Осумбеков, ОшМУнун аккредитация жана билим берүүнүн сапаты департаментинин ага инспектору С.Атакулов, педагогика кафедрасынын доценти Б.Тажиков сөз берилди. Педагогика кафедрасынын башчысы, доцент Г.Жутанова Гапыр Маматкуловичтин ишмердүүлүгү жөнүндө кеңири айтып өттү. Педагогика кафедрасынын доцентинин м.а., педагогика илимдеринин кандидаты Мадаминов Гапыр Маматкулович эффективдүү окутуу усулдары менен семинардын катышуучуларын тааныштырды. Окуучулардын өз алдынча билим алуусун уюштурууда “Акыл эмгегинин маданияты” китеби жана “Энелер мектебинин” программасы мыкты натыйжа берерин, өз мектебине киргизип сабак катары өтүп жаткандыгын айтып берди. Семинардын катышуучулары көптөн күткөн суроолоруна жооп алып, ишти эмнеден баштоо керектигин түшүнүп алышты.

Казакстан Республикасынын Л.Н.Гумилёв атындагы Евразиялык улуттук университетинде «Жогорку билимдин сапатын камсыз кылуу: дүйнөлүк тенденциялар жана аймактык аспектилери” аттуу V Борбордук Азиялык эл аралык форуму болуп өттү. Форумда педагогика кафедрасынын доценти, педагогика илимдеринин кандидаты Батыралиев Адылбек "ИЗ ОПЫТА ОРГАНИЗАЦИИ ПЕДАГОГИЧЕСКОЙ ПРАКТИКИ В ОШСКОМ ГОСУДАРСТВЕННОМ УНИВЕРСИТЕТЕ" деген темада доклад окуду. Л.Н.Гумилёв атындагы Евразиялык улуттук университети менен ОшМУнун, анын ичинде педагогика кафедрасынын кызматташтыгы талкуулангандыгын доцент А.Батыралиев билдирди.

Педагогика кафедрасынын №1 отуруму 2021-жылдын 7-сентябрында болуп өттү. Отурумда кафедра башчысы, доцент Г.Жутанова КРнын Эмгек сиңирген мугалими, п.и.к., доцент, Баткен облусунун Лейлек районундагы 3-эксперименталдык гимназиянын директору Г.М.Мадаминовду биздин кафедрага кабыл алынгандыгы тууралуу маалымат берип, кафедра мүчөлөрүнө тааныштырды. Андан соң кафедранын доценти А.Батыралиевди КРнын "Ардак грамотасы" менен сыйлангандыгын куттуктады. Отурумдун жүрүшүндө 2021-2022-окуу жылы үчүн түзүлгөн иш пландары менен тааныштырып, талкууга койду жана толуктоолорду киргизүү менен бекитүүнү сунуштады.

2021-жылдын 4-сентябрь күнү ОшМУнун педагогика, психология жана дене тарбия факультетинин педагогика кафедрасы, педагогикалык практика бөлүмү жана Ош шаардык билим берүү башкармалыгы менен биргеликте шаардык мектептердин организаторлоруна "Азыркы мезгилдеги тарбия концепциясы жана тарбиянын максаты" аталышында секциялык кеңешме уюштурулду. Секциялык кеңешмеде ОшМУнун студенттин коомчулук менен иштөө боюнча проректору, п.и.к., доцент Ж.Артыкова, педагогикалык практика бөлүмүнүн жетекчиси, п.и.к., доцент А.Батыралиев жана Ош шаардык билим берүү башкармалыгынын башчысынын орун басары А.Акжолов теманын алкагында мазмундуу докладдарды окуп, презентацияларды жасашты. Педагогика кафедрасынын профессордук-окутуучулук курамы менен мектептин организаторлорунун ортосунда кызыктуу талкуу жүрүп, бир топ сунуш-пикирлер айтылды. Педагогика кафедрасынын башчысы, п.и.к., доцент Г.А.Жутанова КРнын Билим берүү жана илим министрлиги тарабынан иштелип чыккан: "КРда 2021-2030-жж. мектеп окуучуларын жана жаштарды тарбиялоо концепциясын" жүзөгө ашыруу максатында педагогика кафедрасы менен Ош шаарынын мектептеринин тарбиялык иштерин биргеликте жүргүзүү үчүн келишим аркылуу иш жүзүндө ашырууну сунуштады.

2021-2022-окуу жылынын башталышы ОшМУнун педагогика, психология жана дене тарбия факультетинин педагогика кафедрасынын профессордук-окутуучулук курамынын алгачкы жумушчу кеңешмеси менен коштолду. Кафедра башчы, доцент Г.А.Жутанова КР Билим берүү жана илим министрлигинин 2021-жылдын 13-августундагы “2021-2022-окуу жылынын башталышы жөнүндөгү” №1404/1 буйругуна ылайык ОшМУнун ректору, профессор К.Г.Кожобеков тарабынан 2021-жылдын 24-августунда кабыл алынган №12/612 буйругундагы иштин мазмуну менен кафедра мүчөлөрүн тааныштырып, талкууга койду. Ар бир окутуучуга тиешелүү окуу жүктөмдөрүн, коомдук тапшырмаларын дайындады жана аткаруусун милдеттендирди.

Ош мамлекеттик университетинин педагогика, психология жана дене тарбия факультетинин педагогика кафедрасынын окутуучусу Айдарова Жыпаргүл Мусаевнаны 2021-жылдын 25-июнунда И.Арабаев атындагы Кыргыз мамлекеттик университетинин жана Кыргыз билим берүү академиясынын алдындагы Д 13.20.618 диссертациялык кеңешинин жыйынында "Өспүрүм курактагы окуучулардын окуу көндүмдөрүн өнүктүрүүнүн педагогикалык шарттары" аттуу темадагы 13.00.01 – жалпы педагогика, педагогиканын жана билим берүүнүн тарыхы адистиги боюнча педагогика илимдеринин кандидаты окумуштуулук даражасын изденип алуу үчүн жазган диссертациясын ийгиликтүү коргогондугу менен куттуктайбыз! Жыпаргүл Мусаевна, мындан аркы кесиптик ишмердигиңизди дагы да көптөгөн ийгиликтер коштоп жүрүүсүн каалайбыз!

2021-жылдын 31-май күнү ОшМУнун педагогика, психология жана дене тарбия факультетинде педагогика кафедрасынын башчылыгына шайлоо болуп өттү. Жыйынтыгында п.и.к., доцент Жутанова Гульмира Атанбековна факультеттин Окумуштуулар кеңешинин бардык мүчөлөрү тарабынан колдоого ээ болуп, педагогика кафедрасынын башчысы болуп дайындалды. Жутанова Гульмира Атанбековнаны ППжДТ факультетинин жана педагогика кафедрасынын жалпы жамааты куттукташып, бекем ден соолук каалоо менен бирге иштеринде алгылыктуу ийгиликтерди багындыра беришине тилектеш экендигин билдиришти.

ОшМУнун педагогика кафедрасынын алдыга койгон негизги максаты-уюткулуу элибиздин таалим-тарбия жаатындагы нарк-насилдерин, нечендеген доорлордон, замандардан бери карай жыйналган, топтолуп келе жаткан алгылыктуу тажрыйбаларын жаш муундарга өзүнүн жүрөгү аркылуу өткөрүп берүүгө жөндөмдүү, кесиптик деңгээли жогору, инсандык дарамети бийик болгон мугалим кадрларды даярдоо болуп эсептелет. Бүгүнкү күндө кафедрада 7 илимдин кандидаттары, доценттер, 6 улук окутуучу, 4 окутуучу, 1 лаборант, баары болуп 18 адам үзүрлүү эмгектенип келе жатышат. Педагогика жана психология кафедрасы ОМПИде 1951-жылы түзүлүп, 1951-1958-жж. кафедраны таланттуу окумуштуу, психология илимдеринин кандидаты, доцент Г.С.Медельян башкарган. 1954-1960-жж. кафедранын курамында болочок көрүнүктүү партиялык, мамлекеттик ишмер Эмилбек Абакиров, илимдин кандидаты З.П.Игнатьева, улук окутуучулар Н.Старостина, Д.М.Лондон жана башкалар эмгектенишкен. 1958-1971-жж. кафедраны психология илимдеринин кандидаты, доцент В.И.Овчинников жетектеген. Анын учурунда кафедрада Б.Апышев, Ж.Бешимов, Т.Ормонов, Н.Е.Варламова, А.С.Ким, С.Токторбаев, Б.Тойбаев, К.Абидов, М.Абдулина, С.Салихова эмгек жолун башташкан. Кафедраны 1971-197373-жж. доцент Б.Тойбаев, 1974-1976-жж. доцент К.Жумабаев, 1977-1979-жж. доцент Ж.Бешимовдор башкарган. 1972-1976-жж. кафедрада көзгө көрүнөрлүк сапаттык өсүш жүргөн. Алсак, кандидаттык диссертацияларын 1972-жылы Казань шаарында Т.Ормонов, 1974-жылы Москва шаарында Б.Апышев, 1975-жылы Казандан Ж.Бешимов, 1976-жылы Ташкент шаарында К.Миңбаев ийгиликтүү коргоп келишкен. 1979-1987-жж. кафедраны Б.Апышев башкарып, 1980-жылдан тарта таланттуу уюштуруучу, чечкиндүү жетекчи, ректор С.Жумагулов жөндөмдүү, аракетчил, изилдөөчү окутуучуларды бир, эки жылдык илимий стажировкаларга Москва, Казань, Алматы шаарына жөнөтө баштаган. Ал мүмкүнчүлүктөрдү пайдаланып, кыска мөөнөттүн ичинде педагогика, психология илимдери боюнча окумуштуулардын жоон тобу өсүп чыккан. Алгач К.Абдилакимов, У.Эгембердиев, К.Мурзаев, Ж.Алымкулов, Б.Тажикова, Ж.Орозбаев, А.Исаевдер, кийинчерээк А.Батыралиев, Э.Иманкулова, Т.Жоробеков, А.Бердиевдер кандидаттык диссертацияларын жемиштүү коргоп келишти. Айылдык орто мектепте иштеп жүргөн мезгилде кандидаттык диссертациясын жазып бүтүрүп, кафедрада улук окутуучулук кызматта иштеп жүрүп М.Колдошев илимин 1992-жылы Алматы шаарында ийгиликтүү коргоду. Кафедранын илимий потенциалын жогорулатуу максатында окумуштуу-психолог А.Аманов башка республикадан кафедрага чакыртылып келинди. 80-жылдардын орто ченинде башталган кайра куруу реформалык саясатынын маңыз-маанисин туура түшүнүп, алардын идеяларына шыктанган кафедранын курамы кесиптик деңгээли жогорку талаптарга жооп берген мугалим кадрларын даярдоо боюнча ОМПИнин окуу пландарын, программаларын өркүндөтүүгө бир топ салымдарын кошуп, шаардын, областтын, республиканын мектептериндеги окуу-тарбия иштерин жакшыртуу боюнча иштиктүү демилге көтөрүшүп, алгылыктуу сунуштарды, жаңы табылгаларды, усулдук иштелмелерди мугалимдер арасында кеңири жайылтып, республикадагы алдыңкы кафедра катары таанымал болууга жетишкен. Натыйжада ОМПИ республикадагы эң сапаттуу мугалим кадрларын даярдоочу окуу жайына айланышына кафедра тийиштүү үлүш кошо алган. 1987-жылы кафедра “Педагогика” жана “Психология” кафедраларына бөлүнүп, биринчисин 1987-1993-жж. доцент К.Мурзаев жетектеген. Анын жетекчилиги астында кафедра “Университеттик билим берүү шартында мугалимдерди кесиптик жактан даярдоо проблемалары” аттуу темада илимий изилдөөлөрдү жүргүзүп келди. 1994-жылы К.Мурзаев Түркиянын Анкара университетинин докторантурасына кабыл алынат. Кафедраны 1995-2005-жж. педагогика илимдеринин кандидаты, доцент А.Батыралиев, 2005-2017-жж. п.и.к, доцент Б.Ш.Тажикова, 2017-жылдан 2020-жылдын апрель айына чейин п.и.к, доцент Н.С.Шадиев, 2020-жылдын апрель айынан 2021-жылдын июнь айына чейин п.и.к, доцент М.Колдошев башкарышты. Ал эми бүгүнкү күндө бул кафедраны педагогика илимдеринин кандидаты, доцент Жутанова Гульмира Атанбековна жетектеп келүүдө. Учурда кафедранын курамы 18 адамдан турат жана педагогикалык циклдеги бир нече окуу курстарын окутууну тейлейт. Маселен, “Педагогикалык ишмердүүлүккө киришүү ”, “Билим берүүнүн жана педагогикалык ойлордун тарыхы”, “Педагогикалык теориялар, системалар, технологиялар”, “Билим берүү системаларын башкаруу” жана атайын курстар.

2024-жылдын декабрь айында ОшМУнун педагогика кафедрасынын башчысы, доцент Г.А. Жутанова И. Арабаев атындагы мамлекеттик университетине тажрыйба алмашуу максатында иш сапар менен барып келди. Сапардын негизги учурлары: ОшМУнун педагогика кафедрасынын аспиранттарынын илимий деңгээлин көтөрүүдө жардам берүү үчүн диссертациялык кеңешке барып, п.и.д., профессор А.Т. Калдыбаева менен маанилүү маселелер боюнча маектешти. И. Арабаев атындагы мамлекеттик университетинин педагогика кафедрасынын башчысы, п.и.к., профессор М. Эсенгулова жетектеген кафедранын жамааты менен тажрыйба алмашып, педагогикалык багыттагы студенттерге конок лекция өттү. Сапардын жыйынтыгында конок лекцияларын өткөргөндүгү үчүн доцент Ж.Г. Атанбековнага кафедранын атынан ыраазычылык билдирилди.

2024-жылдын декабрь айында ОшМУнун педагогика кафедрасынын башчысы, доцент Г.А. Жутанова Казакстандагы Назарбаев атындагы университетке, Абай атындагы улуттук педагогикалык университетине жана Казак улуттук кыз-келиндер педагогикалык университетине тажрыйба алмашуу максатында иш сапар менен барды. Сапар учурунда Назарбаев университетинин профессору Д. Шаматов университеттин тарыхы, учурдагы абалы жана келечеги тууралуу маалымат берди. Ошондой эле, Абай атындагы улуттук педагогикалык университетинин педагогика жана психология кафедрасынын башчысы, профессор А.Н. Кошербаева жана Казак улуттук кыз-келиндер педагогикалык университетинин академиялык маселелери боюнча проректору Кымбат Магитаевна Балажанова, ошондой эле билим берүүнүн теориясы жана практикасы кафедрасынын башчысы, PhD, А.Б. Мейркулова менен эки тараптуу келишим түзүлүп, биргеликте конок лекциялары өткөрүлдү. Конок лекциянын жүрүшүндө аталган кафедранын улук окутуучусу Кылышпай Баян Сагындык кызы баш болгон кафедра мүчөлөрү жакындан жардам көрсөтүштү. Сапардын жыйынтыгы боюнча, конок лекцияларын өткөргөндүгү үчүн доцент Г. Ж. Атанбековнага университеттен ыраазычылык кат жолдошкон.

Педагогика, искусство жана журналистика институтунун педагогика кафедрасынын башчысы, п.и.к., доцент Гулмира Атанбековна Жутанова "КМШнын мыкты педагогу - 2024" эл аралык сынагында (Астана ш., Казакстан) өзгөчө ийгиликке жетишти! Гулмира Атанбековна өзүнүн көп жылдык эмгеги жана жогорку кесиптик чеберчилиги үчүн "КМШнын мыкты педагогу - 2024" атайын медалына жана сиңирген эмгеги жөнүндө күбөлүгүнө татыктуу болду. Бул сыйлык - биздин окуу жайыбыздын педагогдорунун жогорку деңгээлин тастыктаган дагы бир далил! Урматтуу Гулмира Атанбековна, Сизди чын жүрөктөн куттуктайбыз! Мындан ары да илим жана билим берүү тармагында жаңы бийиктиктерди багындырып, ийгиликтерди жарата бериңиз!

2024-жылдын 23-декабрында, ОшМУнун педагогика кафедрасынын окутуучулары Б. С. Сапарова, В. А. Байсубанова, Ж. М. Айдарова, А. А. Жусупова, М. С. Сүйүнбаева жана ОшТУнун доценти Н.Т. Кожомбердиеванын жетекчилигинде эки жогорку окуу жайынын студенттери менен, Ош шаарындагы атайын билим берүүчү жатак мектебинине майрамдык маанай тартуулашты. Майрамдык иш-чарага ОшМУнун Кыргыз-Кытай институту, Чыгыш таануу институту, педагогика, искусство жана журналистика институтунун "Музыкалык билим берүү" адистиги, филология жана маданият аралык коммуникация институтунун "Котормо таануу жана англис тили" адистиктеринин, ошондой эле ОшТУнун "Социалдык иштер" адистигинин студенттери катышты. Мындай кайрымдуулук иш-чараларды уюштуруп, балдардын жүрөгүнө жылуулук тартуулаган, өзгөчө балдардын жүзүнө күлкү алып келген ОшМУнун педагогика кафедрасынын жалпы жамаатына ыраазычылык билдиришти.

2024-жылдын 20-декабрь күнү, педагогогика, искусство жана журналистика институтунун, педагогика кафедрасынынын окутуучусу М. Сүйүнбаева, Математика, физика, техника жана маалыматтык технологиялар институтунун 2-курсунун студенттерине «Трудовое воспитание-одно из важнейших направлений» аттуу тарбиялык саат өттү. Сабактын жүрүшүндө студенттер эмгек тарбиянын түрлөрүн билип, ага карата мини-проекттерди жазышты. Сабака педагогика кафедранын улук окутуучусу В. Андреевна, А. Жусупова жана А. Самиева окутуучулары катышышты.

2024-жылдын 17-декабрында, педагогика, искусство жана журналистика институтунун педагогика кафедрасынын профессору М. Колдошев "Физикалык билим берүү" адистигинин 3-курсунун студенттери менен биргеликте тарбиялык иш-чара өткөрдү. Иш-чаранын темасы "Ар бир бала таланттуу жана өзгөчө" деп аталып, креативдүү жаштарыбыз билим берүү тармагындагы актуалдуу проблемаларды көтөрүп чыгышып, аларды чечүүнүн жолдорун талкуулашты. Педагогика кафедрасынын профессору Т. Колдошевге ыраазычылык билдирүү менен студенттерге ийгилик каалайбыз!

2024-жылдын 12-декабрь күнү, педагогика кафедрасынын окутуучусу Жусупова Азизакан Абдыманаповна, Табият таануу, дене тарбия, туризм жана агрардык технологиялар институтунун "Дене тарбия" адистигинин 3-курстарынын студенттери менен биргеликте "Уул баланы тарбиялоодогу айрым маселелер" деген темада тарбиялык саат өткөрдү. Бул иш-чаранын максаты — уул баланы тарбиялоонун маанилүүлүгүн, андагы кыйынчылыктарды жана алардын чечүү жолдорун талкуулоо болду. Кыргыз -Кытай институтунун жана Филология жана маданият аралык коммуникация институтунун "Кыргыз тили жана адабият" адистигинин студенттери да чакырылып, бул темада өздөрүнүн көз караштарын билдиришти. Ошондой эле, Кыргыз-Кытай институтунун студенттери да конокто болушту. Бул иш-чарага педагогика кафедрасынын башчысы, доцент Г. Жутанова, п.и.к. Ж. Айдарова, окутуучу М. Суйунбаевалар да бул тарбиялык саатка катышып, уюштуруучуларга ыраазылык билдиришти.

2024-жылдын 12-декабрь күнү, ОшМУнун №6чы жатаканасынын Медицина колледжинин студенттери арасында Чынгыз Айтматовтун 96 жылдыгына карата педагогика кафедрасынын улук окутуучуусу Бегматов Студент тарабынан “Чынгыз Айтматовту эскерүү” аттуу тарбиялык иш-чара өткөрүлдү.

"Боорукердик - жүрөктөн жүрөккө!" аталышындагы кайрымдуулук иш-чара менен 9-декабрь күнү, педагогика кафедрасынын окутуучусу Самиева Айсана Жакыпбековна жетекчилигинде филология жана маданият аралык коммуникация институтунун "Чет тили" багытынын 2-3-курстарынын студенттери Ош шаарындагы "Боорукердик" үйүнө барып келишти. Бул иш-чараны уюштурган педагогика кафедрасынын жаш окутуучусу А. Самиева жаштарыбызга коомдогу боорукердиктин жана кайрымдуулуктун үлгүсүн көрсөтүп, биримдикти бекемдөөгө өз салымын кошту.

2024-жылдын 2-декабрында, педагогика, искусство жана журналистика институтунун Муз(б)-1-22 тайпасынын студенттери улук окутуучу Б. Сапарованын жетекчилиги астында Ош шаарындагы "Кыймыл-таяныч тутумундагы мүмкүнчүлүгү чектелген балдардын ден соолугун калыбына келтирүү" борборуна барышты. Студенттерибиз бул иш-чарадан зор таасирленип, балдар менен жакшы мамиле түзө алышты. Кайрымдуулук демилгени колго алган студенттерибизге жана улук окутуучу Б.Сапаровага ыраазычылык билдиребиз!

2024-жылдын 10-декабрында педагогика кафедрасынын башчысы, п.и.к., доцент Жутанова Гульмира Атанбековна болочок энелердин учурдагы абалы, коомдогу орду жана ролу боюнча көйгөйлүү маселелерди аныктап, алардын чечилиш жолдорун талкуулоо максатында Филология жана маданият аралык коммуникация институтунун кыргыз тили жана адабияты багытынын 3-курс студенттерине "Кыздар-келечектеги тарбиячылар" темасында талкуу өткөрдү. Талкууга ф.и.д. доцент Ө.С.Акматов, психология кафедрасынын улук окутуучусу К.Кожомбердиева, педагогика кафедрасынын улук окутуучусу В.А.Байсубанова, окутуучулар Сүйүнбаева жана А.А.Жусупова катышты. Талкуу бир нече этапта өттү. Алгач, улуу муундардын калтырган адамзаттык жана улуттук баалуулуктары боюнча суроо-жооптор берилди. Андан соң студенттер учурдагы абал жана көйгөйлөр боюнча өз пикирлерин ортого салышты. Акыркы этапта көйгөйлөрдүн чечүү жолдору боюнча сунуштар айтылып, бул маселени мамлекеттик деңгээлде колго алуу зарылдыгы, ошондой эле бул маселеге ар бир жарандын салым кошуусу керектиги белгиленди. Студенттер талкууга кызыгуу менен активдүү катышышты. Кафедранын жамааты Жутанова Гульмира Атанбековнанын педагогикалык ишмердүүлүгүнө чыгармачылык ийгиликтерди каалайт!

2024-жылдын 30-ноябрында ОшМУнун Аспирантура жана докторантура бөлүмү тарабынан "Студент жана илимий-техникалык прогресс" аттуу XI аймактык студенттик илимий конференция өткөрүлдү. Конференциянын XV секциясында, "Заманбап окутуунун технологияларын колдонуунун айрым маселелери" темасында, модераторлукту п.и.к., доцент Жутанова Г.А. жана катчы п.и.к., доцент Айдарова Ж.М. жүргүзүштү. Конференцияга Б.Сыдыков атындагы КӨЭАУ, К.Ш.Токтомаматов атындагы ЭАУ жана Б.Осмонов атындагы ЖАМУнун студенттери жана комиссия мүчөлөрү катышты. Студенттер илимий макалалары боюнча баяндама жасап, суроолор берилип, кызуу талкуу жүргүзүлдү. Акырында, студенттер жана комиссия мүчөлөрү менен биргеликте талкуу өткөрүлүп, I-II-III даражадагы дипломдор жана сертификаттар ыйгарылды. Конференцияда педагогика кафедрасынын профессордук-окутуучулук курамы жетектеген төрт студент ийгиликтерге жетишти. Алар: XII Коомдук жана гуманитардык илимдер секциясынан: I даражадагы диплом: Эргеш к.Ж. (ОшМУ), илимий жетекчиси: улук окутуучу Бегматов С.И. Заманбап окутуунун технологияларын колдонуунун айрым маселелери секциясынан: I даражадагы диплом: Калбекова Т.Ж. (ОшМУ), илимий жетекчиси: окутуучу Самиева А.Ж. II даражадагы диплом: Хомиджанова Ш.К. (ОшМУ), илимий жетекчиси: п.и.к., доцент Жутанова Г.А. XVII Педагогикалык билим берүүнү модернизациялоо секциясынан: III даражадагы диплом: Джорабаева Т.И. (ОшМУ), илимий жетекчиси: улук окутуучу Жакупова Г.С. Жалпы кафедранын жамаатынын атынан кесиптештерибизди жана жеңишке жеткен студенттерибизди чын дилибизден куттуктап, келечекте дагы көп ийгиликтерди жаратуусун каалайбыз.

2024-жылдын 30-ноябрында келечек муунга улууларга урмат, кичүүлөргө ызаат көрсөтүүнүн үлгүсүн көрсөтүү максатында педагогика кафедрасынын улук окутуучусу В.А. Байсубанова Филология жана маданият аралык коммуникация институтунун 2-курс студенттери жана корей диаспорасынын өкүлдөрү менен биргеликте “Жакындан жардам” аталышындагы кайрымдуулук иш-чарасын уюштурду. Иш-чаранын алкагында карыларга кышка камылга жасоого жардам берип, алардын жүрөгүнө жылуулук тартуулаганга аракет кылынды. Жасалып жаткан ишмердүүлүк студенттер үчүн боорукерликти, адамгерчиликти жана улууларга болгон урмат-сыйды калыптандыруунун маанилүү сабагы болду. Мындан тышкары, улуттар арасындагы маданиятты жана ынтымакчылыкты күчөтүү, ар бир инсанга кубаныч тартуулоо, кайрымдуулук иштерди үзгүлтүксүз жүргүзүү жана бири-бирибизге жакындан жардам берүү адамзаттын чыныгы баалуулуктарын ачып берет. Педагогика кафедрасынын жалпы жамааты корей диаспорасынын өкүлдөрүнө, уюштуруучу эжекеге жана ак жүрөк студенттерге терең ыраазычылык билдирет!

2024-жылдын 29-ноябрында Кыргыз Республикасындагы аялдарга карата зордук-зомбулуктун алдын алуу максатында педагогика кафедрасынын окутуучусу М. Сүйүнбаева Ош облустук Т.Сыдыков атындагы көркөм музейи менен биргеликте Филология жана маданият аралык коммуникация институтунун 3-курсунун студенттери үчүн тренинг өткөрдү. Тренингдин жүрүшүндө аялдардын укуктары, алардын өнүгүшү, учурдагы абалы жана Кыргыз Республикасындагы аялдарга карата зомбулуктун статистикасы тууралуу маалымат берилди. Ошондой эле студенттер командалар менен жашоодон алынган кейстерди талкуулап, чечмелеп беришти. Педагогика кафедрасынын жалпы жамааты Ош облустук Т.Сыдыков атындагы көркөм музейинин жамаатына, уюштурган эжекеге жана студент досторго терең ыраазычылык билдирет!

2024-жылдын 27-нобрында Маматова Жибек Топчубаевна тарабынан улуу педагог Б.Апышевдин жаркын элесине арналган "Кыргыздын Сухомлинскийи..." аттуу эскерүү кечеси өткөрүлдү. Эскерүү кечесине ФМО(6)-1-23 жана МК(б)-1-23 тайпаларынын студенттери, ошондой эле педагогика кафедрасынын профессордук-окутуучулук курамы катышты. Иш-чаранын жүрүшүндө студенттер агайдын жогорку адамдык сапаттарын, анын ичинде боорукерлигин, жөнөкөйлүгүн, кичи пейилдигин жана эмгекчилдигин, ошондой эле педагогика илиминдеги жана кыргыз педагогикасынын өнүгүшүндөгү салымын баяндап, докладдар окушту жана видеороликтер көрсөтүштү. Эскерүү кечесинин аягында студенттер агайдын педагогикалык ишмердүүлүгү жана эмгектери алардын келечектеги кесипкөй адис болуусуна чоң таасир тийгизерин белгилеп, уюштуруучу эжекеге ыраазычылык билдиришти.

2024-жылдын 27-ноябрында педагогика кафедрасынын окутуучусу Жусупова Азизакан Абдыманаповна филология жана маданият аралык коммуникация институтунун кыргыз филологиясы багытынын 2-курсунун 3-агымынын студенттерине "Педагогдун жалпы жана кесиптик маданияты" аттуу темада көргөзмөлүү сабак өткөрдү. Сабакка педагогика кафедрасынын башчысы, п.и.к., доцент Г.А.Жутанова жана кафедранын методикалык кеңешинин төрайымы, улук окутуучу Г.С.Жакупова катышты. Сабактын жүрүшүндө интерактивдүү усулдар жана ыкмалар колдонулуп, студенттер активдүү катышышты. Кафедранын жалпы жамааты Азизакан Абдыманаповнанын педагогикалык ишмердүүлүгүнө чыгармачылык ийгиликтерди каалайт!

2024-жылдын 26- ноябрь күнү, педагогика кафедрасынын окутуучусу Самиева Айсана Жакыпбековна Филология жана маданият аралык коммуникация институтунун 3-курсунун 5-агымынын студенттерине "Социалдашуу жана социалдык педагогиканын көйгөйлөрү" аттуу темада көргөзмөлүү сабак өткөрдү. Сабакка педагогика кафедрасынын башчысы, п.и.к., доцент Г.А.Жутанова, кафедранын методикалык кеңешинин төрайымы, улук окутуучу Г.С.Жакупова жана В.Байсубанова эжекелер катышты. Сабак жогорку деңгээлде уюштурулуп, интерактивдүү форматта өттү. Анда заманбап методдор жана ар кандай окутуу ыкмалары колдонулуп, студенттердин активдүү катышуусу камсыздалды. Кафедранын жалпы жамааты Айсана Жакыпбековнанын педагогикалык ишмердүүлүгүнө чыгармачылык ийгиликтерди каалайт!

2024-жылдын 22-ноябрында А.Мырсабеков атындагы Ош мамлекеттик педагогикалык университети педагогика илимдеринин доктору, профессор А.М. Маамытовго жана педагогика илимдеринин доктору, профессор А.Алимбековго "ОшМПУнун ардактуу профессору" наамын ыйгарды. ОшМУнун педагогика кафедрасы устаздарды бул ардактуу наамдары менен чын дилинен куттуктап, мындан ары да илимий ишмердүүлүктөрүндө чоң ийгиликтердин жаралышын каалайт.

2023-жылдын 22-ноябрында ОшМУнун педагогика кафедрасынын башчысы, доцент Г.А.Жутанова, улук окутуучу Г.С.Жакупова жана окутуучу А.А.Жусуповалар А.Мырсабеков атындагы Ош мамлекеттик педагогикалык университети жана Кыргыз-Түрк "Манас" университети тарабынан Кара-Кыргыз автономиялуу облусунун түзүлгөндүгүнүн 100 жылдыгына карата уюштурулган II эл аралык "Манас" педагогикалык изилдөөлөр конгрессине катышышты. Конгрессти уюштурган Кыргыз-Түрк "Манас" университетинин педагогика бөлүмүнүн профессору А.Алимбековго, ОшМПУнун ректору, п.и.д., профессор Б.Зулуевге жана педагогика жана психология кафедрасынын башчысы И.Даминовага катышуучулар терең ыраазычылык билдиришти

2024-жылдын 23-ноябрында ОшМУнун педагогика кафедрасынын башчысы, доцент Г.А. Жутанованын демилгеси менен "Деңгээлдик билим берүү технологиялары" аттуу илимий-методологиялык семинар өткөрүлдү. Семинар офлайн жана онлайн форматта уюштурулуп, ага белгилүү балдар жазуучусу, п.и.д., профессор Рысбаев Сулайман Казыбаевич катышты. Семинарда ОшМУнун академиялык иштер жана билим берүү саясатын өнүктүрүүнү стратегиялык пландаштыруу башкармалыгынын начальниги, ф-м.и.к., доцент Ж.А. Артыкова, ф-м.и.к., доцент Т.М. Папиева, аспирантура бөлүмүнөн ф-м.и.к., доцент Г.Анарбаева, ОшМУнун аспиранттары, МФТИТ, тарых жана юридика институтунун магистранттары, педагогика кафедрасынын профессордук-окутуучулук жамааты, кафедра менен келишим түзгөн мектептердин мугалимдери жана студенттер катышышты. Семинардын жүрүшүндө теманын алкагында бир нече суроо-жооптор жана каалоо тилектер айтылып, акырында Сулайман Казыбаевичке педагогика кафедрасынын ыраазчылык катын жана сыйлуу белегин берүү менен жыйынтыкталды.

2024-жылдын 19-ноябрында ОшМУнун педагогика, искусство жана журналистика институтунун педагогика кафедрасы "Педагогикалык практиканын уюштурулуп өткөрүлүшүндөгү айрым көйгөйлөр" аттуу тегерек стол өткөрдү. Бул иш-чара ОшМУнун педагогикалык багыттагы студенттеринин практика сапатын жогорулатууга багытталган. Тегерек столго педагогика кафедрасынын профессордук-окутуучулук жамааты, ОшМУнун практика боюнча адиси доцент А.Б. Батыралиев жана ОшМУнун педагогикалык багытындагы институттардын практика жетекчилери катышышты. Иш-чараны педагогика кафедрасынын башчысы, доцент Г.А. Жутанова алып барды. Иш-чаранын жүрүшүндө педагогикалык практиканын уюштурулушундагы кемчиликтер жана көйгөйлөр талкууланып, алардын чечүү жолдору сунушталды.

2024-жылы 28-октябрь күнү ОшМУнун педагогика кафедрасынын башчысы, доцент Г. А. Жутанованын жетекчилиги астында "ЖОЖ менен мектеп келечекти бирге курат" аттуу долбоордун алкагында Ош шаарындагы №22 С.Шарипов атындагы орто мектебинде тарбиялык-методикалык семинар өткөрүлдү. Семинарга Кыргыз Республикасынын эмгек сиңирген мугалими, педагогика кафедрасынын доценти Г. М. Мадаминов чакырылды. Семинарга мектептин директору Т.А. Аматкулова жетектеген жалпы окутуучулар жамааты, ата-энелер, практикант-студенттер, ошондой эле педагогика кафедрасынын профессордук-окутуучулук жамааты катышты. Катышуучулар учурдагы билим берүү системасындағы учурдагы көйгөйлүү маселелер, мугалимдердин, ата-энелердин жана коомдун ролу жөнүндө талкуулашты. Жыйынтыгында, эки тарап биргеликте чечиши керек болгон көйгөйлөрдү белгилеп, семинар жыйынтыкталды. Мектептин директору Т.А. Аматкулова КРдин эмгек сиңирген мугалими, педагогика кафедрасынын доценти Г. М. Мадаминовго жана ОшМУнун педагогика кафедрасынын жалпы жамаатына ыраазычылыгын билдирди.

2024-жылдын 28-октябрь күнү ОшМУнун педагогика кафедрасынын башчысы, доцент Г.А. Жутанованын демилгеси менен магистранттар үчүн "Заманбап шарттарда үзгүлтүксүз билим берүүнүн көйгөйлөрү" аттуу илимий-методикалык семинар (офлайн-онлайн форматта) уюштурулду. Семинарга Кыргыз Республикасынын эмгек синирген мугалими, педагогика кафедрасынын доценти Г.М. Мадаминов чакырылды. Семинарга МФТИТ, тарых жана юридика институтунун магистранттары, студенттери, ОшМУнун окутуунун сапаты жана методикалык камсыздоо бөлүмүнүн методист-координатору М.Т. Нурмаматова , педагогика кафедрасынын профессордук-окутуучулук жамааты жана аспиранттары катышты. Семинардын жүрүшүн ОшМУнун “Үмүт” теле студиясы жана ЭлТР Билим жана Илим телеканалы тартып, уюштуруучулардан, магистранттардан жана катышуучулардан интервью алышты. Педагогика кафедрасынын ар тараптуу ишмердүүлүгүн колдоп, шарттарды түзүп бергендиги үчүн МФТИТ институтунун директору, ф.-м.и.к., доцент Б.Азимов жетектеген жалпы жамаатына терең ыраазычылык билдиребиз.

2024-жылдын 24-25-октябрында педагогика кафедрасынын башчысы, п.и.к., доцент Г.А. Жутанова журналистика кафедрасынын окутуучулары менен биргеликте Өзбекстан Республикасынын Наманган мамлекеттик университетинде "Ономастикалык бирдиктердин социолингвистикалык, этнолингвистикалык, лингвопоэтикалык жана лингвомаданий изилдөө маселелери" аталышындагы ІІ Эл аралык илимий-практикалык конференцияга катышып, Наманган теле-радиосуна конференциянын уюштурулушу тууралуу интервью берди. Ошондой эле аталган университеттин педагогикалык багытындагы студенттерине “Креативдүүлүктү баалоо жана өлчөө” темасында конок лекция окуп, кайтарым байланышта жасалып жаткан ишмердүүлүк эки мамлекеттин университеттеринин мобилдүүлүгү, студенттердин келечегине арналгандыгы маалымдалды. Иш сапардын жүрүшүндө Наманган университетинин педагогика кафедрасы менен ОшМУнун педагогика, искусство жана журналистика институтунун педагогика кафедрасынын ортосунда эки тараптуу келишим түзүлдү.

Бүгүн, Ош мамлекеттик педагогикалык университетинде Кыргыз ССРинин эмгек сиңирген мугалими Сыдык Алайчиевдин элесине арналган "Агартуучулук - билим берүүнүн өзөгү" аттуу эл аралык илимий-практикалык конференция болуп, ОшМУнун педагогика кафедрасынан окутуучулар Жусупова Азизакан, Самиева Айсаналар макала жазып, катышып келишти. Иш-чарага ардактуу коноктор чакырылып, пленардык жыйында маанилүү баяндамалар жасалды. Конференциянын алкагында иштер секцияларга бөлүнүп, кызыктуу докладдар окулду. Илимий-практикалык конференция окутуучулар үчүн пайдалуу болуп, тажрыйба алууга мүмкүнчүлүк түзүлдү.

2024-жылдын 12-октябрында педагогика кафедрасынын башчысы, доцент Г.А. Жутанованын демилгеси менен педагогика кафедрасынын профессордук-окутуучулук курамы жана аспиранттары үчүн санариптик деңгээлди жогорулатуу максатында “Жасалма Акыл менен долбоорлорду жазуу” аттуу тренинг уюштурулду. Тренингди өткөрүү үчүн Онлайн университетинин тренери Мээрим Шамудинова чакырылды. Катышуучулар тренингдин жүрүшүндө тренерге көптөгөн көйгөйлүү суроолорду берип, пайдалуу жоопторду алышты. Тренингдин аягында катышуучуларга сертификаттарды тапшырып, тренерге ыраазычылык билдирүү менен жыйынтыкталды.

2024-жылдын 8-9-октябрында педагогика кафедрасынын башчысы, доцент Гульмира Атанбековна студенттердин теориялык билимдерин практикалык жактан эффективдүү колдонуусун камсыздоо максатында "Билим берүү системасын башкаруу жана социалдык тарбия" темасында ОСӨАИни ФжМАК институтунун филология адистиктеринин 3-курсунун студенттерине уюштурду. Иш-чарага аталган институттун студенттери жана педагогика кафедрасынын профессордук-окутуучулук курамы катышты. Ишмердүүлүк бир нече этаптардан турду. Студенттер заманбап технологияларды пайдаланып, жекече, жуп жана топ менен иштешти. Алар тапшырмаларды алдын ала белгиленген критерийлерге ылайык так, ыкчам аткарышып, өздөрүнүн активдүүлүгүн жана креативдүүлүгүн көрсөтүштү. Сабактын аягында темага байланыштуу кайтарым байланыш жүргүзүлүп, жыйынтык чыгарылды.

2024-жылдын 14-сентябрь куну педагогика, искусство жана журналистика институтунун педагогика кафедрасынын чакыруусу менен п. и.д., профессор А.Т.Калдыбаева “Билим беруудогу тренддер” аталыштагы илимий- методологиялык семинар отуп берди. Семинарды педагогика кафедрасынын башчысы п. и.к, доцент Г.А. Жутанова алып барды. Семинарга ОшМУнун аспирантура жана докторантура болумунун башчысы, б.и.к., доцент Ж.Т.Молдалиев, педагогика, искусство жана журналистика институтунун жана педагогика кафедрасынын жалпы жамааты, ОшМУнун жаш илимпоздору, аспиранттары жана магистранттары катышышты. Семинардын журушундо кафедранын доценттери А. Батыралиев, Б. Ш. Тажикова, З. С.Божоновдор сөзгө чыгышып лекторго ыраазычылык билдиришти. Профессор семинардын катышуучуларынын бир топ койгойлуу суроолоруна жооп беруу менен озунун кенешин, сунуштарын берди. Семинар кызыктуу болуп, жогорку денгээлде отту. Педагогика кафедрасынын башчысы, доцент Г. А. Жутанова семинарды жыйынтыктап жатып профессор А.Т.Калдыбаевага педагогика, искусство жана журналистика институтунун жана педагогика кафедрасынын атынан “Ыраазычылык кат” тапшырды.

2022-жылдын 6-сентябрь ПЖ №305 Улуттук тазалык куну жана 2023-2025-жылдар мезгилине тиричилик калдыктарын иштетуу боюнча натыйжалуу инфраструктура түзүү боюнча иш-аракеттер планы жөнүндө жарлыгына ылайык, 2024-жылдын 14- сентябрында Ош мамлекеттик университетинин педагогика, искусство жана журналистика институтунун педагогика кафедрасында ишембилик өткөрүлдү.

2024-жылдын 6–сентябрында ОшМУнун педагогика, искусство жана журналистика институтунда коммуникация илимдеринин PhD доктору Орто Азиядагы алгачкы Онлайн Университетинин негиздөөчүсү жана АКШнын Маями Университетинин Фулбрайт илимий изилдөөчүсү жетекчиси Элира Турдубаева тарабынан уюштурулган «Билим берүүдө жасалма интеллект платформаларын колдонуу” семинарына Педагогика кафедрасынын кафедра башчысы п.и.к., доцент Жутанова Гульмира Атанбековна жана кафедранын мүчөлөрү катышып жаңы билимдерге ээ болушту.   >

“ЖОЖ менен мектеп келечекти бирге курат” ОшМУнун Педагогика, психология жана дене тарбия факультетинин педагогика кафедрасы “ЖОЖ менен мектеп келечекти бирге курат” аттуу педагогикалык практика боюнча жыйынтыктоочу конференция өткөрдү. Конференцияга педагогикалык практика жетекчиси Адылбек Батыралиев, факультеттин деканынын милдетин аткаруучу Чынара Гапарова, ОшМУнун өндүрүштүк практика департаментинин директору Талантбек Матикеев, №3 Эксперименталдык гимназиясынын директору, КРнын эмгек синирген мугалими Гапыр Мадаминов, Ош шаарындагыгы мектептердин директорлору, факультеттердин педагогикалык практикалар боюнча тиешелүү жетекчилери, студенттер катышты. 2021-жылдын сентябрь айында педагогика кафедрасынын башчысы Гульмира Жутанованын демилгеси менен педагогика кафедрасы Ош шаарындагы 14 мектеп жана Баткен облусунун Лейлек районундагы №3 эксперименталдык гимназия менен келишим түзгөн. Келишимде мектеп окуучулары жана жаштарды турмушка даярдоо, кесипке багыт берүү максатында окуу-методикалык, тарбиялык-изилдөөчүлүк жана квалификацияны жогорулатуу боюнча ишмердүүлүктү жүзөгө ашыруу, мектеп менен ЖОЖдун байланышын чыңдоо, тарбиялык иштерди биргелешип жүргүзүү маселелери каралган. Бул багытта 1 жыл аралыгында бир топ илимий семинарлар, тегерек столдор уюштурулуп, мектеп, ата-энелер менен Энелер мектебин уюштуруу ишке ашты, “Педагогиканын жалпы негиздери” деген аталыштагы квалификацияны өркүндөтүү курсунан биринчи жолу С.Шарипов мектеп-гимназиясынын 3 мугалими квалификациясын өркүндөтүшкөн. Жыйында катышуучулар студенттердин адаптациялык практика, профилдик-базалык практикалары боюнча жасаган иш-аракеттеринин жыйынтыгын угушту. Жогорку окуу жайлары менен мектептин байланышы, студенттердин практика иштерин аткарылышын жана тапшырылышын талкуулап, суроолорго жооп беришти. Активдүү катышкан студенттерге сыйлыктар тапшырылды. Жыйында КРнын эмгек синирген мугалими Гапыр Мадаминов мектеп менен ЖОЖ дайыма чогуу иш алып баруу керектигин, ЖОЖ менен мектептин байланышын бекемдеп, өркүндөтүү багытында келишимде каралаган бардык маселелер боюнча иш-аракеттерди жүргүзүп келе жаткан Гульмира Жутанованын демилгесин жалпы республиканын ЖОЖдоруна жайылтуу керектигин белгиледи.

«Улуттук мурас – тарбиянын казынасы» аттуу фестиваль-конкурс жыйынтыкталды ОшМУнун Педагогика, психология жана дене тарбия факультетинин педагогика кафедрасы «Улуттук мурас – тарбиянын казынасы» аттуу фестиваль-конкурсун уюштурду. Иш-чара педагогика кафедрасынын башчысы, доцент Гулмира Жутанованун демилгеси менен өттү. Таймашка Чыгыш таануу жана тарых факультетинин “Санжыра”, Кыргыз филологиясы жана журналистика факультетинин “Кыргыз” командалары катышты. Командалар конкурста саламдашуу, улуттук каада-салттарды учурдун талабына ылайык сахналаштыруу, этнопедагогика боюнча илимпоздордун изилдөөлөрү камтылган тест сынагы, макал-лакап айтышуу, кол өнөрчүлүк боюнча мастер класс, улуттук ыр-бийлер, улуттук баалуулуктар боюнча көргөзмө тапшырмаларын аткарышты. Сынактагы калыстардын баалоосу менен “Санжыра” командасы 94 упай, “Кыргыз” командасы 81 упайга ээ болду. Учурдагы жана аралыктан текшерүүгө ылайык практикалык көрдүмдөрдү аткарып, фестиваль-конкурска катышкан жана жардам көрсөткөн студенттер II модулдан бошотулушту. Мелдештин жеңүүчүлөрү уюштуруучулардын дипломдору менен сыйланды. «Улуттук мурас – тарбиянын казынасы» аттуу фестиваль-конкурсту өткөрүүдөгү негизги максат окутуу процессинде студенттердин креативдүү компотенцияларын, практикалык көндүмдөрүн, чыгармачылыгын калыптандыруу болуп саналат. Бул иш-чара учурдагы жана аралыктан текшерүүнүн бир формасы катары көрсөтүлдү.

Педагогика багытында интеллектуалдык таймаш өттү ОшМУнун Педагогика, психология жана дене тарбия факультетинин педагогика кафедрасы педагогика дисциплинасы боюнча «Акыл ордо» интеллектуалдык таймашын өткөрдү. Таймашка Чыгыш таануу жана тарых факультетинин “Новатор”, Кыргыз филологиясы жана журналистика факультетинин “Инновация”, Дүйнөлүк тилдер жана маданият факультетинин “Креатив” командалары катышты. Командалар алгач өзүн тааныштырып, андан соң тарбиянын теориясы, окутуунун технологиясы боюнча тесттик суроолорго жооп беришти. Үчүнчү тапшырмада адамзаттык баалуулук боюнча эссе жазышса, төртүнчү тапшырмада педагогикалык кырдаалдар боюнча инсценировкаларды аткарды. Жыйынтыгында топ башчыларына кыргыз окумуштуу, педагогдору жөнүндө маалыматтар тапшырма катары берилди. Бул таймашта бардык тесттик суроолорго туура жооп берип, тапшырмаларды мыкты деңгээлде аткарган командалар жалпы жыйынтык боюнча 30 упай алышты. Учурдагы жана аралыктан текшерүүгө ылайык 30 упай алган командалар II модулдан бошотулушту. Мелдештин жеңүүчүлөрү уюштуруучулардын дипломдору менен сыйланышты. “ “Акыл ордо” интеллектуалдык таймашын өткөрүүдөгү негизги максатыбыз окутуу процессинде студенттердин креативдүү компотенцияларын калыптандыруу болуп саналат. Бул иш-чара учурдагы жана аралыктан текшерүүнүн бир формасы катары өткөрүлдү. Мындай интеллектуалдык таймаштар ар семестрде өтүлгөн предметтер боюнча үзгүлтүксүз өткөрүлүп келе жатат. Мындан сырткары текшерүүнүн формалары ар түрдүү инновациялык формадагы интерактивдик усулдардын алкагында алынат”,-деди педагогика кафедрасынын башчысы, доцент Гулмира Жутанова.

2022-жылдын 27-май күнү педагогика кафедрасынын улук окутуучусу Байсубанова Венера Андреевна Экология жана эмгек тарбиясынын негизинде “Биз-таза шаар үчүн” деген девиз менен дүйнөлүк тилдер жана маданият факультетинин 50дөн ашуун студенттери менен биргеликте шаарыбыздын Т.Сатылганов атындагы эс алуу паркында 1000 ашуун дарактарды актап, сырдоого жана тазалоо иштерине жардам беришти. Т.Сатылганов атындагы эс алуу паркынын башчысы Азамат Советбекович студенттерге парктын тарыхын, дарактардын түрүн, өзгөчөлүктөрү тууралуу маалымат берип, жаратылышка аяр мамиле жасоого чакырды жана Венера Андреевнага ыраазычылыгын билдирди.

Илим жумалыгынын алкагында 2022-жылдын 20-апрелинде Педагогика кафедрасы тарабынан уюштурулган "Кыргызстанда билим берүү системасын модернизациялоонун айрым маселелери"аттуу илимий жумалыгы онлайн жана офлайн форматында өткөрүлдү. Конференцияга: кафедранын профессордук-окутуучулук курамы, аспиранттар, магистранттар, ар бир факультеттен студенттер катышышты. Онлайн катышуучулар да болду. Алар: аспирантура бөлүмүнүн башчысы, доцент Анарбаева Г.М., "КРнын эмгек сиңирген мугалими" п.и.к. Мадаминов Г.М. жана аспирант Кадырали к.Н. Баяндамачылар бүгүнкү күндөгү билим берүү системасындагы актуалдуу теманын негизинде, презентация, слайд, видео-слайддарды жасап, суроо-жооптор менен коштолуп активдүү өттү. Акырында I-II-III даражадагы ДИПЛОМдор, Ардак Грамоталар менен сыйланышып, ыраазычылык сөздөрүн жана каалоо-тилектерин билдиришти.

Дүйнөлүк тилдер жана маданият факультетинде Абдыманап кызы Айгүлдүн методикалык- тарбиялык иш- чарасы болуп өттү. "Тарбиянын теориясы жана окутуунун технологиясы" предметинин тарбия теориясы бөлүгүнүн натыйжасын 2-курстун АКК-1-20, АКК-4-20, АкККК-1-20 тайпаларынын студенттери учурдагы тарбияга тиешелүү актуалдуу проблемаларды "Форум-театр" сабагы аркылуу алып чыгышып, аны чечүүнүн жолдорун аудитория мн чогуу көрсөтүштү. 1-этапта көрсөтүлгөн сахналык көрүнүштү анализдешип, андагы тарбияга тиешелүү ой- пикирлерин, сунуштарын айтышты. 2- этапта аудиториядагы студенттер ошол сахналык көрүнүштөгү каармандардын ордуна чыгып кырдаалды өзгөртүүгө аракет жасашты. Жалпысынан 5 сахналык көрүнүш көрсөтүлдү. "Суицид", "Кесип тандоо", "Куру намыстын кесепети", "Миграция", "Бала тарбиялоодогу атанын ролу" деген темаларды алып чыгышты. Аягында катышкан каармандар чыгышып аткарган ролу аркылуу турмушта эмнени андап түшүнгөндүгүн кайтарым байланыш катары аудитория мн бөлүшүштү. Пед.каф.башчысы, доцент Г. Жутанова сөз сүйлөп, студенттерге ыраазычылыгын билдирди.

Педагогика, психология жана дене тарбия факультети тарабынан “Нооруз-2022” элдик майрамына карата маданий-спорттук иш чара жана “Улуттук тамак-аш” көргөзмөсү уюштурулду. Иш-чарага факультеттин баардык кафедралары катышып, өз өнөрлөрүн көргөзүштү.Кафедралардын ичинен Педагогика кафедрасы 2-орунду ээлеп, II-даражадагы диплом менен сыйланды. Педагогика кафедрасы мындан ары да ар кандай иш чараларга катыша бермекчи.

2022-жылдын 15-мартында Педагогика кафедрасы тарабынан “ Педагогиканын негиздери жана педагогикалык кесипке киришүү” дисциплинасы боюнча факультеттер аралык “Акыл ордо” БРЕЙН-РИНГ интеллектуалдык таймаш уюштурулду. Таймашта интеллектуалдык ой жүгүртүүчү суроолор, инновациялык технологиялык методдор, чыгармачылык менен иштөө жана дидактикалык материалдар камтылып, 9 факультеттин катышуусунун негизинде өткөрүлдү.Акырында командаларга I-II-III даражадагы дипломдор жана ардак грамоталар ыйгарылды. Кафедранын атынан методикалык иштери боюнча жооптуу, уюштуруучу Абдыманап кызы Айгүл эжекебизге иштерине ийгилик каалап, ыраазычылык билдиребиз.

Республикалык көп тармактуу коомдук ЖЕТИГЕН журналынын 11 жылдык мааракесине карата 8-март Аялдардын эл аралык майрамына педагогика кафедрасынын улук окутуучусу Сапарова Бадам эжекебиз “Кыргыздын мырзайымы” төш белгиси менен сыйланды. Педагогика кафедрасынын жамааты эжекеге ден-соолук, иштерине ийгилик каалайбыз.

2022-жылдын 3-март күнү Педагогика кафедрасынын улук окутуучусу Сапарова Бадам эжеке тарабынан Кыргыз филологиясы жана журналистика факультетинин 2-3-курстун студенттерине “Кыздын адеби - кымбат” аттуу семинар уюштурулду. Семинарга Ош облустук адам репродукция борборунун (ООАРБ) бөлүм башчысы, акушер-гинеколог-эндокринолог Кадырбек кызы Айканыш жана дабагер Аширбекова Мээрим аталган тема боюнча презентациянын негизинде керектүү маалыматтарды беришип, студенттер тарабынан берилген суроолорго жооп беришти. Акырында жылуу пикирлер, ыраазычылыктар айтылып, жаз майрамы менен куттукташты.

2022-жылдын 5-13-февраль күндөрү педагогика кафедрасы тарабынан “Квалификацияны өркүндөтүү” курсу уюштурулду. Курска факультеттердин педагогикалык эмес жаатындагы мугалимдери, педагогика кафедрасы келишим түзгөн мектептердин мугалимдери жана педагогика кафедрасынын окутуучулар курамы катышып, билимин өркүндөтүштү. Курстун башталгыч күндөрү педагогика кафедрасынын доценттери Батыралиев А.А “Жалпы педагогиканын негиздери”, Жутанова Г.А “Окутуу процессиндеги билимди баалоонун технологиялары” деген темада кызыктуу семинар өтүштү. Ал эми 11-12-13- февраль күндөрү КРнын эмгек сиңирген мугалими, Баткен областынын Лейлек районундагы #3 эксперименталдык гимназиясынын директору, педагогика кафедрасынын доценти Мадаминов Гапыр Маматкулович “АЭМдин негизинде окуучулардын, студенттердин өз алдынча ишмердүүлүгүн уюштуруунун жолдору” деген темада семинар өттү. Семинардын аягында жалпы мугалимдер көптөгөн маалыматтарга ээ болгондугун айтышып, ыраазычылыгын билдиришти.

Кыргыз Республикасынын илим жана билим берүү жаатындагы көп жылдык үзүрлүү эмгеги, жаш муундарды тарбиялоого кошкон олуттуу салымы, ошондой эле жигердүү коомдук ишмердиги үчүн ОшМУнун педагогика, психология жана дене тарбия факультетинин педагогика кафедрасынын башчысы, доцент Жутанова Гульмира Атанбековна Кыргыз Республикасынын Жогорку Кеңешинин АРДАК ГРАМОТАСЫ менен сыйланды.

2022-жылдын 20-январында педагогика кафедрасынын окутуучусу Абдыманап кызы Айгүл ОшМУнун теология факультетинин Т(б)-1-21 тайпасынын студенттерине "Адамдын адамдыгы – инсандык сапаттарында" деген темада тарбиялык сабак өттү. Студенттердин көңүлүн сабакка буруу үчүн окутуучу "Махив жана нахив" деген аңгемени айтып берип, "Мээ чабуулу" методун колдонду. "1 000 000" деген окуяны талкуулашып, "Муз жаргыч" аркылуу студенттер менен биргеликте сабактын темасын аныктап алышты. Студенттер топтордо инсандык сапаттар тууралуу хадистерден, аяттардан, турмуш-тиричиликтен мисалдарды келтирүү менен презентация жасашты. Видеоролик көрсөтүлүп, педагогикалык анализ жүргүзүштү. "Менин инсандык сапаттарым" деген темада психологиялык көнүгүүнү жуптарда аткарышты. Ар бир топ бир сапат боюнча ураандарды иштеп чыгышты. Студенттер баары айлана формасында турушуп, оң жагындагы адамга карап, анын жакшы сапатын белгилөө менен бул сапат өзүндө да болуусун каалап, жылмаю менен эстафетаны улантышып, "Коштошуу" көнүгүүсүн аткарышты. Рефлексия – бүгүнкү сабактын жүрүшү боюнча студенттер өз ой-пикирлерин билдиришип, алма дарагына стикерлерди жармаштырышып, сабакка баа беришти. Мугалимдин жыйынтык сөзү айтылып, сабактагы катышуу, жетишүү бааланып, сабак жыйынтыкталды.

2022-жылдын 18-январында педагогика кафедрасынын доценти Б.Тажикова ОшМУнун орус филологиясы факультетинин 3-курстарынын студенттерине жыйынтыктоочу семинардык сабак өттү. Ал сабакта педагогика дисциплинасы, педагогикалык практика боюнча эсселер окулуп, презентациялар, сюжеттик-ролдук көрүнүштөр коюлуп, студенттер ар тараптуу чеберчилигин көрсөтө алышты. Педагогика кафедрасынын окутуучулары, тайпалардын кураторлору, факультеттин деканатынын кызматкерлери катышышып, жыйынтыгында тайпаларга I, II, III даражадагы ДИПЛОМдор, активдүү студенттерге АРДАК ГРАМОТАлар ыйгарылды.

2022-жылдын 14-январында педагогика кафедрасынын ага окутуучусу С.Бегматов ОшМУнун дүйнөлүк тилдер жана маданият факультетинин АРК-4-20 тайпасынын студенттери менен "Уроки нравственности" аталышында тарбиялык иш-чара өткөрдү. Иш-чарада студенттер арасында тест жүргүзүлүп, улуу инсандардын цитаталары, адеп-ахлак тууралуу талкууланды.

24-декабрь күнү улук окутуучу Б.Сапарова ОшМУнун кыргыз филологиясы жана журналистика факультетинин 2-курсунун студенттери менен биргеликте Исхак Раззаковду эскерүү иш-чарасын өткөрдү.

2022-жылдын 13-январында педагогика кафедрасынын доценти М.Колдошев ОшМУнун табият таануу жана география факультетинин ХЭК(б)-1-20 тайпасынын студенттери менен биргеликте "Экологиялык тарбия" аттуу тарбиялык саат өткөрдү. Тарбиялык саатта докладдар окулуп, видеороликтер көрсөтүлдү

2021-жылдын 23-декабрында саат 08:00 педагогика кафедрасынын доценти А.А.Исаев ОшМУнун чыгыш таануу жана тарых факультетинин И(б)-2-20 тайпасынын студенттерине "Чыңгыз Хан" аттуу кино-лекция уюштурду. Иш-чарада "Чыңгыз Хан" киносунун үзүндүлөрүнүн алкагында тарбиялык маанисин талкуулашты. Лекцияга педагогика кафедрасынын башчысы жана окутуучулары катышышты.

2021-жылдын 22-декабрында педагогика кафедрасынын башчысы, доцент Г.А.Жутанова Кыргыз Республикасынын Президентинин “Инсандын руханий адеп-ахлактык өнүгүүсү жана дене тарбиясы” жөнүндөгү жарлыгына ылайык “Педталанттуу студент – кечээ, бүгүн, эртең (автордук долбоор)” аттуу тарбиялык-методикалык конференциясын уюштурду. Эске сала кетсек, бул автордук долбоор 2000-жылдан баштап 8 жыл катар чоң театрдык сахналарда үзгүлтүксүз өткөрүлүп келген. Конференцияга конок катары кечээги жана бүгүнкү педталанттуу студенттер чакырылды: 1. КРнын Билим берүү жана илим министрлигинин Мектепке чейинки билим берүү жана мектепке даярдоо башкармалыгынын башчысы Касымова Нурзида Абабакировна; 2. Х.и.к., PhD, ОшМУнун Жарчысы журналынын жооптуу редактору Абдуллаева Жыпаргуль Душабаевна; 3. №18 Алишер Навои атындагы мектеп-лицейинин директору Акматов Жоомарт Алдыраманович; 4. ОшМУнун математика жана информациялык технологиялар факультетинин магистранты Исраилбекова Зинат Исраилбековна; 5. ОшМУнун дүйнөлүк тилдер жана маданият факультетинин студенти Базарбекова Айсулуу Раимбековна. Бул коноктор педагогика дисциплинасын окуп, өздөштүрүү аркылуу көптөгөн кыйынчылык, кырдаалдарда пайдасы тийип, азыркы мезгилде кандай ийгиликтерге жетишкендиктерин презентация аркылуу чагылдырып, эжекеге ыраазычылыктарын билдиришти. Конференция онлайн жана офлайн форматында болгондугуна байланыштуу, ОшМУнун жана кафедранын профессордук-окутуучулук курамы, аккредитация жана билим берүүнүн сапаты департаментинин ага инспектору С.Атакулов, факультеттердин студент-магистранттары катышып, суроо-жооп, сунуштар менен жыйынтыкталды.

2021-жылдын 16-декабрында ППжДТ факультетинин педагогика кафедрасынын окутуучусу М.Сүйүнбаева ДТжМ факультетинин АРКК-1-20 тайпасынын студенттери менен биргеликте 121-каанасында "Региональные экологические проблемы, влияние человека на природу" деген темада тарбиялык иш-чара уюштурду. Иш-чарада студенттер "Смог", "Проблемы твердых бытовых отходов", "Проблемы канализации", "Ак-Буура", "Нарушение закона о пастбищах", "Озеленение города Ош", "Рациональное использование воды" атуу темалардын алкагында презентациялар аркылуу актуалдуу маселелерди талкуулашты жана алардын алдын алуу жолдорун сунушташты.

2021-жылдын 16-декабрында педагогика кафедрасынын башчысы, доцент Г.Жутанова тарабынан 2020-жылдын 9-июнундагы кафедранын отурумунун №9 протоколунда бекитилген автордук “Өз алдынча иштердин өзгөчө жүрүшү илимий-методикалык долбоорунун” алкагында “2021-жыл – Инсандын руханий адеп-ахлактык өнүгүүсү жана дене тарбиясы” жылына карата “Окутуу процессинде студенттердин өз алдынчалуулук ишмердүүлүгүн уюштуруу аркылуу креативдүүлүк компетенттүүлүгүн калыптандыруу” аттуу илимий-методикалык конференция онлайн жана офлайн түрүндө уюштурулду. Конференцияга Лейлек районун №3 эскперменталдык гимназиясынын директору, педагогика кафедрасынын доценти Г.Мадаминов, педагогика кафедрасынын илимий иштерине жооптуусу Ж.Айдарова, методикалык иштерине жооптуусу Абдыманап кызы А., тарбия жана социалдык иштерине жооптуусу М.Сүйүнбаева, ОшМУнун ДТжМ факультетинин студенттери, педагогика кафедрасынын аспиранттары, МИТ факультетинин магистранттары ж.б. окутуучулар катышышты. Жумушчу программа, силлабус боюнча студенттердин өз алдынча иштерин аткарылышын жана тапшырылышын талкуулап, кеп-кеңештерин беришип, баалашты. Активдүү катышкан студенттерге Ардак грамоталар тапшырылды.

2021-жылдын 10-декабрында ОшМУнун тарых факультетинде педагогика кафедрасынын улук окутуучусу З.Бубаева И(б)-1-20 тайпасынын студенттери менен биргеликте "Жаштарды тарбиялоодо кыргыз эл чыгармаларын пайдалануу" аттуу тарбиялык иш-чара уюштурду. Иш-чара концерттик программа: ырлар, улуттук бийлер, көркөм окуулар жана сахналык көрүнүштөр менен коштолду.

2021-жылдын 8-декабрында Ош шаарынын атайын көмөкчү мектеп-интернатында педагогика кафедрасынын улук окутуучусу Б.Сапарова ОшМУнун кыргыз филологиясы жана журналистика факультетинин КЛ(б)-3-20 тайпасынын студенттери менен биргеликте кайрымдуулук кечесин уюштурду.

2021-жылдын 7-10-декабрында Ош шаарындагы атайын жалпы билим берүүчү жатак мектебинде педагогика кафедрасынын улук окутуучулары: В.Байсубанова жана Ж.Айдарова ДТжМ факультетинин 3-курсунун студенттери менен биргеликте "Биз ар түрдүүбүз, бирок тең укуктуубуз" аттуу тарбиялык-спорттук иш-чара уюштурушту. Иш-чара концерттик программа, конкурстар, суроо-жооптор менен коштолду. Педагогика кафедрасынын башчысы, доцент Г.Жутанова, кафедра мүчөлөрү, мектеп администрациясы жана студенттер окуучулар менен биргеликте спорттук оюндарды жекече, жуптарда, топтордо кызыгуу менен ойношту.

2021-жылдын 3-декабрында педагогика кафедрасынын улук окутуучусу Г.Жакупова тарабынан "3-декабрь - Мүмкүнчүлүгү чектелгендердин Эл аралык күнүнө" карата Ош шаарындагы мүмкүнчүлүгү чектелген балдар үчүн атайын реабилитациялык борборунда "Поможем друг-другу" аттуу тарбиялык иш-чара уюштурулду. Иш-чараны ОшМУнун педагогика писхология жана дене тарбия факультетинин, искусство факультетинин 3-курсунун студенттери концерттик программа, кызыктуу конкурстар аркылуу өткөрүштү. Борбордун директору З.А.Акматова тарабынан социалдык жактан колдоо көрсөткөндүгү жана эбегейсиз зор салымы үчүн педагогика кафедрасына "ЫРААЗЫЧЫЛЫК БАРАКЧА" ыйгарылды.

2021-жылдын 26-ноябрында педагогика кафедрасынын окутуучусу Ж.Маматова Искусство факультетинин 3-курсунун студенттери менен биргеликте "Улуу педагог Б.Апышевдин педагогикалык ишмердүүлүгү" аттуу тарбиялык иш-чара уюштурду. Жалпысынан 21 студент катышып, Б.Апышевдин өмүр баяны, чыгармачылык иштери тууралуу доклад окулуп, концерттик программа менен коштолду.

ОшМУнун аспирантура бөлүмү тарабынан 2021-жылдын 30-ноябрында “Студент жана илимий-техникалык прогресс” аттуу VIII аймактык студенттик илимий конференциясы уюштурулду. “Педагогикалык билим берүүнү модеринизациялоо” темасындагы X секциясынан төмөнкүлөр алдыңкы орундарга ээ болушту: 1-орунга: Курманбекова Жанара (ОшМУ, Орус фил. фак., жетекчиси: п.и.к., доцент Тажикова Б.Ш.) жана Алибаева Жаркынай (ОшМУ, ППжДТ фак., жетекчиси: п.и.к., доцент Батыралиев А.); 2-орунга: Алимова Айзат (ОшМУ, ДТжМ фак., жетекчиси: улук окутуучу Байсубанова В.А.) жана Абдижалил кызы Айзат (БатМУ); 3-орунга: Байбала кызы Айзирек (ОшКУУ) жана Токторалиева Айзирек (ЖАМУ); “Заманбап окутуунун технологияларын колдонуунун айрым маселелери” темасындагы XI секциясынан төмөнкүлөр алдыңкы орундарга ээ болушту: 1-орунга: Исраилбекова Зинат Исраилбековна, магистрант (ОшМУ) жана Базарбекова Айсулуу (ОшМУ, ДТжМ фак., жетекчиси: п.и.к., доцент Жутанова Г.А.); 2-орунга: Исаев Данияр (ОшКУУ) жана Эсенбаева Клара Акылбековна, магистрант (ЖАМУ); 3-орунга: Болотбекова Мээрим (ОшМУ, ДТжМ фак., жетекчиси: окутуучу Сүйүнбаева М.) жана Турсунбаева Маликахон Юнусжоновна (БатМУ). Бул секциялар ОшМУнун педагогика, психология жана дене тарбия факультетинин педагогика кафедрасынын жетектөөсүндө болуп өттү. Модераторлор: п.и.к., доцент Г.Жутанова жана п.и.к., доцент Т.Акматова. Катчылар, улук окутуучулар: В.Байсубанова жана Ж.Айдарова. Жалпы уюштуруучуларга конференцияга катышкан университеттердин жетекчилиги тарабынан онлайн ыраазычылыктар билдирилди.

2021-жылдын 9-ноябрында №52 "Кыргыз-Түрк достугу" мектеп-лицейинде ЖОЖ менен мектеп биргеликте окуу-тарбия процессин АЭМдин негизинде жакшыртуу максатында Мадаминов Г.М. жана ОшМУнун педагогика кафедрасынын профессордук-окутуучулук курамынын катышуусунда "Класс жетекчинин ата-энелер менен иштөөдөгү ролу" деген темада семинар болуп өттү. Семинарга шаардык мектептердин организаторлору, класс жетекчилери, ата-энелер жана магистранттар катышып, өздөрүнүн суроолоруна жооп ала алышты.

2021-жылдын 20-октябрында педагогика кафедрасынын окутуучусу Сүйүнбаева Мария ОшМУнун дүйнөлүк тилдер жана маданият факультетинин АРКК-1-20 тайпасынын студенттерине "Просветительская деятельность народных импровизаторов (Т.Сатылганов, Тоголок Молдо)" деген темада ачык сабак өттү. Ачык сабакка педагогика кафедрасынын профессордук-окутуучулук курамы катышып, сабагынын анализи кафедранын кеңешмесинде каралуусун билдиришти. Эжекенин педагогикалык ишмердүүлүгүнө ийгиликтерди каалашты.

2021-жылдын сентябрь айында кафедранын п.и.к., доценти Тажикова Бактыгуль Шариповна Бишкек шаарындагы И.Арабаев атындагы Кыргыз мамлекеттик университетинин жана Кыргыз билим берүү академиясынын алдындагы диссертациялык кеңештин жыйынына оппонент катары катышып келди. Жаштардын илимий потенциалын жогорулатууда ар дайым падагогика кафедрасы менен диссертациялык кеңештин ортосундагы байланышты күчөтүүдө салымыңызды кошуп жүрөсүз, сизге кафедранын атынан терең ыраазычылык!

2021-жылдын 13-октябрында ОшМУнун педагогика, психология жана дене тарбия факультетинин педагогика кафедрасынын профессордук-окутуучулук курамы тарабынан Кыргыз Республикасынын Президентинин “Инсандын руханий адеп-ахлактык өнүгүүсү жана дене тарбиясы” жөнүндөгү жарлыгына ылайык “ЖОЖ менен мектептин окуу-тарбия процессинин сапатын акыл-эмгек маданиятынын негизинде жакшыртуунун жолдору” аттуу илимий-методикалык семинар уюштурулду. Илимий-методикалык семинар мектеп менен кафедранын ортосунда түзүлгөн келишимдин негизинде саат 10:00дөн 13:30га чейин №18 А.Навои атындагы мектеп-лицейинин актылык залында Ош шаарынын мектеп директорлорунун жана практикант студенттердин катышуусунда болуп өттү. Илимий-методикалык семинарда ОшМУнун аккредитация жана билим берүүнүн сапаты департаментинин ага инспектору С.Атакуловго, ОшМУнун педагогикалык практика бөлүмүнүн башчысы, доцент А.Батыралиевге, педагогика кафедрасынын доценти Б.Тажиковага сөз берилди. Педагогика кафедрасынын башчысы, доцент Г.Жутанова Ош шаарынын 14 мектеби менен педагогика кафедрасынын ортосунда келишим түзүлгөндүгүн билдирди. Келишим төмөндөгүдөй максатта түзүлгөндүгүн белгиледи: - Мектеп окуучуларын жана жаштарды турмушка даярдоо, кесипке багыт берүү максатында окуу-методикалык, тарбиялык, изилдөөчүлүк жана квалификацияны жогорулатуу боюнча биргелешкен ишмердүүлүктү жүзөгө ашыруу; - Педагогика кафедрасы менен мектептин илимий-методикалык, практикалык байланыштарын чыңдоо жана күчөтүү. Мектеп менен ЖОЖдун байланышын чыңдоо; - Билим берүү жана илим министрлиги тарабынан иштелип чыккан: “КРда 2021-2030-жылдарда мектеп окуучуларын жана жаштарды тарбиялоо концепциясын” жүзөгө ашыруу максатында тарбиялык иштерди биргелешип жүргүзүү. “ЖОЖ менен мектептин окуу-тарбия процессинин сапатын акыл-эмгек маданиятынын негизинде жакшыртуунун жолдору” аттуу илимий-методикалык семинарды педагогика кафедрасынын доценти, педагогика илимдеринин кандидаты Мадаминов Гапыр Маматкулович мектеп директорлоруна, болочоктогу мугалим катары практикант студенттерге иш тажрыйбасы менен бөлүштү.

2021-жылдын 12-октябрында ОшМУнун педагогика, психология жана дене тарбия факультетинин педагогика кафедрасынын профессордук-окутуучулук курамы тарабынан Кыргыз Республикасынын Президентинин “Инсандын руханий адеп-ахлактык өнүгүүсү жана дене тарбиясы” жөнүндөгү жарлыгына ылайык “Студент-магистранттардын үзгүлтүксүз билим алуусунда акыл-эмгек маданиятынын жана креативдүүлүктүн мааниси” аттуу илимий-методикалык семинар уюштурулду. Илимий-методикалык семинардын биринчи бөлүгү саат 10:00дөн 12:30га чейин ОшМУнун искусство факультетинин актылык залында, ал эми экинчи бөлүгү саат 13:30дан 16:00гө чейин ОшМУнун чоң актылык залында агай-эжекелердин жана студент-магистранттардын катышуусунда болуп өттү. Илимий-методикалык семинарда ОшМУнун илимий иштер боюнча проректору, профессор Б.Осумбеков, ОшМУнун аккредитация жана билим берүүнүн сапаты департаментинин ага инспектору С.Атакулов, педагогика кафедрасынын доценти Б.Тажиков сөз берилди. Педагогика кафедрасынын башчысы, доцент Г.Жутанова Гапыр Маматкуловичтин ишмердүүлүгү жөнүндө кеңири айтып өттү. Педагогика кафедрасынын доцентинин м.а., педагогика илимдеринин кандидаты Мадаминов Гапыр Маматкулович эффективдүү окутуу усулдары менен семинардын катышуучуларын тааныштырды. Окуучулардын өз алдынча билим алуусун уюштурууда “Акыл эмгегинин маданияты” китеби жана “Энелер мектебинин” программасы мыкты натыйжа берерин, өз мектебине киргизип сабак катары өтүп жаткандыгын айтып берди. Семинардын катышуучулары көптөн күткөн суроолоруна жооп алып, ишти эмнеден баштоо керектигин түшүнүп алышты. 2021-жылдын 12-октябрында ОшМУнун педагогика, психология жана дене тарбия факультетинин педагогика кафедрасынын профессордук-окутуучулук курамы тарабынан Кыргыз Республикасынын Президентинин “Инсандын руханий адеп-ахлактык өнүгүүсү жана дене тарбиясы” жөнүндөгү жарлыгына ылайык “Студент-магистранттардын үзгүлтүксүз билим алуусунда акыл-эмгек маданиятынын жана креативдүүлүктүн мааниси” аттуу илимий-методикалык семинар уюштурулду. Илимий-методикалык семинардын биринчи бөлүгү саат 10:00дөн 12:30га чейин ОшМУнун искусство факультетинин актылык залында, ал эми экинчи бөлүгү саат 13:30дан 16:00гө чейин ОшМУнун чоң актылык залында агай-эжекелердин жана студент-магистранттардын катышуусунда болуп өттү. Илимий-методикалык семинарда ОшМУнун илимий иштер боюнча проректору, профессор Б.Осумбеков, ОшМУнун аккредитация жана билим берүүнүн сапаты департаментинин ага инспектору С.Атакулов, педагогика кафедрасынын доценти Б.Тажиков сөз берилди. Педагогика кафедрасынын башчысы, доцент Г.Жутанова Гапыр Маматкуловичтин ишмердүүлүгү жөнүндө кеңири айтып өттү. Педагогика кафедрасынын доцентинин м.а., педагогика илимдеринин кандидаты Мадаминов Гапыр Маматкулович эффективдүү окутуу усулдары менен семинардын катышуучуларын тааныштырды. Окуучулардын өз алдынча билим алуусун уюштурууда “Акыл эмгегинин маданияты” китеби жана “Энелер мектебинин” программасы мыкты натыйжа берерин, өз мектебине киргизип сабак катары өтүп жаткандыгын айтып берди. Семинардын катышуучулары көптөн күткөн суроолоруна жооп алып, ишти эмнеден баштоо керектигин түшүнүп алышты. 2021-жылдын 12-октябрында ОшМУнун педагогика, психология жана дене тарбия факультетинин педагогика кафедрасынын профессордук-окутуучулук курамы тарабынан Кыргыз Республикасынын Президентинин “Инсандын руханий адеп-ахлактык өнүгүүсү жана дене тарбиясы” жөнүндөгү жарлыгына ылайык “Студент-магистранттардын үзгүлтүксүз билим алуусунда акыл-эмгек маданиятынын жана креативдүүлүктүн мааниси” аттуу илимий-методикалык семинар уюштурулду. Илимий-методикалык семинардын биринчи бөлүгү саат 10:00дөн 12:30га чейин ОшМУнун искусство факультетинин актылык залында, ал эми экинчи бөлүгү саат 13:30дан 16:00гө чейин ОшМУнун чоң актылык залында агай-эжекелердин жана студент-магистранттардын катышуусунда болуп өттү. Илимий-методикалык семинарда ОшМУнун илимий иштер боюнча проректору, профессор Б.Осумбеков, ОшМУнун аккредитация жана билим берүүнүн сапаты департаментинин ага инспектору С.Атакулов, педагогика кафедрасынын доценти Б.Тажиков сөз берилди. Педагогика кафедрасынын башчысы, доцент Г.Жутанова Гапыр Маматкуловичтин ишмердүүлүгү жөнүндө кеңири айтып өттү. Педагогика кафедрасынын доцентинин м.а., педагогика илимдеринин кандидаты Мадаминов Гапыр Маматкулович эффективдүү окутуу усулдары менен семинардын катышуучуларын тааныштырды. Окуучулардын өз алдынча билим алуусун уюштурууда “Акыл эмгегинин маданияты” китеби жана “Энелер мектебинин” программасы мыкты натыйжа берерин, өз мектебине киргизип сабак катары өтүп жаткандыгын айтып берди. Семинардын катышуучулары көптөн күткөн суроолоруна жооп алып, ишти эмнеден баштоо керектигин түшүнүп алышты.

2021-жылдын 4-сентябрь күнү ОшМУнун педагогика, психология жана дене тарбия факультетинин педагогика кафедрасы, педагогикалык практика бөлүмү жана Ош шаардык билим берүү башкармалыгы менен биргеликте шаардык мектептердин организаторлоруна "Азыркы мезгилдеги тарбия концепциясы жана тарбиянын максаты" аталышында секциялык кеңешме уюштурулду. Секциялык кеңешмеде ОшМУнун студенттин коомчулук менен иштөө боюнча проректору, п.и.к., доцент Ж.Артыкова, педагогикалык практика бөлүмүнүн жетекчиси, п.и.к., доцент А.Батыралиев жана Ош шаардык билим берүү башкармалыгынын башчысынын орун басары А.Акжолов теманын алкагында мазмундуу докладдарды окуп, презентацияларды жасашты. Педагогика кафедрасынын профессордук-окутуучулук курамы менен мектептин организаторлорунун ортосунда кызыктуу талкуу жүрүп, бир топ сунуш-пикирлер айтылды. Педагогика кафедрасынын башчысы, п.и.к., доцент Г.А.Жутанова КРнын Билим берүү жана илим министрлиги тарабынан иштелип чыккан: "КРда 2021-2030-жж. мектеп окуучуларын жана жаштарды тарбиялоо концепциясын" жүзөгө ашыруу максатында педагогика кафедрасы менен Ош шаарынын мектептеринин тарбиялык иштерин биргеликте жүргүзүү үчүн келишим аркылуу иш жүзүндө ашырууну сунуштады.

Ош мамлекеттик университетинин педагогика, психология жана дене тарбия факультетинин педагогика кафедрасынын окутуучусу Айдарова Жыпаргүл Мусаевнаны 2021-жылдын 25-июнунда И.Арабаев атындагы Кыргыз мамлекеттик университетинин жана Кыргыз билим берүү академиясынын алдындагы Д 13.20.618 диссертациялык кеңешинин жыйынында "Өспүрүм курактагы окуучулардын окуу көндүмдөрүн өнүктүрүүнүн педагогикалык шарттары" аттуу темадагы 13.00.01 – жалпы педагогика, педагогиканын жана билим берүүнүн тарыхы адистиги боюнча педагогика илимдеринин кандидаты окумуштуулук даражасын изденип алуу үчүн жазган диссертациясын ийгиликтүү коргогондугу менен куттуктайбыз! Жыпаргүл Мусаевна, мындан аркы кесиптик ишмердигиңизди дагы да көптөгөн ийгиликтер коштоп жүрүүсүн каалайбыз!

2021-жылдын 31-май күнү ОшМУнун педагогика, психология жана дене тарбия факультетинде педагогика кафедрасынын башчылыгына шайлоо болуп өттү. Жыйынтыгында п.и.к., доцент Жутанова Гульмира Атанбековна факультеттин Окумуштуулар кеңешинин бардык мүчөлөрү тарабынан колдоого ээ болуп, педагогика кафедрасынын башчысы болуп дайындалды. Жутанова Гульмира Атанбековнаны ППжДТ факультетинин жана педагогика кафедрасынын жалпы жамааты куттукташып, бекем ден соолук каалоо менен бирге иштеринде алгылыктуу ийгиликтерди багындыра беришине тилектеш экендигин билдиришти.